يزرايل استاناسىندا ءۇش اۆتوبۋس جارىلدى
استانا. KAZINFORM - تەل- اۆيۆتىڭ وڭتۇستىگىندەگى بات- يام قالاسىندا ءۇش اۆتوبۋس جارىلدى، بيلىك ونى تەراكت بولۋى مۇمكىن دەپ تەرگەپ جاتىر.
BBC اتاپ وتكەندەي، الدىن الا مالىمەت بويىنشا، زارداپ شەككەندەر جوق.
تاعى ەكى اۆتوبۋستان جارىلعىش قۇرىلعى تابىلدى.
يزرايل ب ا ق- تارى كولىك ءمينيسترى ميري رەگيەۆتىڭ ءاربىر كولىكتە جارىلعىش زات بار- جوعىن تەكسەرۋ ءۇشىن بارلىق اۆتوبۋستار مەن تەمىرجول قوزعالىسىن توقتاتۋعا بۇيرىق بەرگەنىن حابارلادى.
پوليسيا وكىلى اري دورون 12-ارناعا پوليسيانىڭ ايماقتى تەكسەرۋدى جالعاستىرىپ جاتقانىن جانە جۇرتشىلىق كەز كەلگەن كۇدىكتى پاكەتتەر مەن زاتتارعا نازار اۋدارۋعا ءتيىس ەكەنىن ايتتى.
- قۋانىشىمىزعا وراي لاڭكەستەر تايمەردى دۇرىس ەمەس ۋاقىتقا ورناتقان بولۋى مۇمكىن، - دەدى ول اۆتوبۋستاعى جارىلىستار تۋرالى. - ءبىراق باعا بەرۋگە ءالى ەرتە.
الەۋمەتتىك جەلىدە جاريالانعان كادرلاردا كەم دەگەندە ءبىر اۆتوبۋستىڭ ورتەنىپ جاتقانى، ودان ءتۇتىن شىققانىن كورۋگە بولادى.
جەرگىلىكتى ب ا ق- تىڭ حابارلاۋىنشا، جارىلماعان 5 كەلى ج ق ا- نىڭ بىرىندە يزرايل كۇشتەرى جۋىردا لاڭكەستىككە قارسى وپەراتسيا جۇرگىزگەن باتىس شەريادا «تۋلكارم ءۇشىن كەك» دەگەن جازۋ بار.
قورعانىس ءمينيسترى يسراەل كاتس باتىس جاعالاۋداعى بوسقىندار لاگەرلەرىندەگى وپەراتسيالاردىڭ «قارقىندىلىعىن ارتتىرۋعا» بۇيرىق بەرگەنىن ايتتى.
پرەمەر-مينيستر بينيامين نەتانياحۋ كەڭسەسى تاراتقان مالىمدەمەدە پرەمەر- ءمينيستردىڭ وقيعا تۋرالى حاباردار ەتىلگەنى ايتىلعان.
بيلىك حالىقتى بات- يامعا بارماۋعا جانە كۇدىكتى زاتتار تابىلعان جاعدايدا قىراعى بولۋعا شاقىرادى.
بۇدان بۇرىن يزرايل پرەمەرى ب ا پ و ر قىزمەتىنە تىيىم سالۋ تۋرالى زاڭىن دەرەۋ ورىنداۋدى بۇيىرعانىن جازعان ەدىك.
