يزرايل ارمياسى ليۆاننىڭ وڭتۇستىگىن اتقىلادى
استانا. KAZINFORM - يزرايل ارمياسى ليۆاننىڭ وڭتۇستىگىندەگى ناباتيا پروۆينتسياسىنداعى ايتا ال-شااب قالاسىنا ارتيللەريالىق سوققى جاسادى، دەپ حابارلايدى انادولى.
بۇل تۋرالى ليۆاندىق ب ا ق حابارلادى.
قازا تاپقاندار، زارداپ شەككەندەر نەمەسە قيراتۋلار تۋرالى ازىرگە اقپارات جوق.
2024 -جىلعى 27-قاراشادا يزرايل مەن ليۆان اراسىنداعى اتىستى توقتاتۋ تۋرالى كەلىسىم كۇشىنە ەنگەنىنە قاراماستان، يزرايلدىك اسكەريلەر ليۆاننىڭ وڭتۇستىك ايماقتارىنا كۇن سايىن جەرۇستى جانە اۋە شابۋىلدارىن جاساپ كەلەدى.
يزرايل تاراپىنان ءبىتىم شارتىن شامامەن 3 مىڭ رەت بۇزۋ جاعدايى تىركەلىپ، سونىڭ سالدارىنان كەمىندە 213 ادام قازا تاۋىپ، تاعى 508 ادام جاراقات العان.
يزرايل بەيرۋتپەن جاسالعان بەيبىت كەلىسىم اياسىندا ليۆان اۋماعىنان تولىق شىعۋ مىندەتتەمەسىنە قاراماستان، ليۆاننىڭ وڭتۇستىگىندەگى بەس ستراتەگيالىق نۇكتەدە اسكەرىن قالدىرعان.
بۇدان بۇرىن ءساۋىر ايىنىڭ باسىندا يزرايل ليۆانعا سوققى بەرىپ، حاماس قولباسشىسى قازا تاپقانىن جازعان ەدىك.
