ىزدەۋدە جۇرگەن ەكى قازاقستان ازاماتى تۇركيادا ۇستالدى

استانا. KAZINFORM - ۇلتتىق قاۋىپسىزدىك كوميتەتى جانە ىشكى ىستەر مينيسترلىگى تۇركيانىڭ قۇقىق قورعاۋ ورگاندارىمەن ءوزارا ارەكەتتەسىپ، ىزدەۋدە جۇرگەن ەكى قازاقستاننىڭ ازاماتىن ۇستادى. بۇل تۋرالى ۇ ق ك باسپا ءسوز قىزمەتى مالىمدەدى.

كوميتەتتىڭ مالىمەتىنشە، كۇدىكتىلەر التىننىڭ ەكونوميكالىق كونترابانداسىن، سونداي-اق ترانسۇلتتىق ۇيىمداسقان قىلمىستىق توپ قۇرعان.

«ۇلتتىق قاۋىپسىزدىك كوميتەتى جانە ىشكى ىستەر مينيسترلىگى تۇركيانىڭ قۇقىق قورعاۋ ورگاندارىمەن ءوزارا ارەكەتتەسە ىزدەۋدە جۇرگەن ەكى قازاقستاننىڭ ازاماتىن ۇستادى جانە 2024 -جىلعى 3-ساۋىردە ستامبۋل قالاسىنان الماتى قالاسىنا ەتاپپەن جىبەرىلدى. ولار اسا ءىرى مولشەردە التىننىڭ ەكونوميكالىق كونترابانداسىن، سونداي-اق ترانسۇلتتىق ۇيىمداسقان قىلمىستىق توپ قۇردى جانە باسشىلىق جاسادى دەگەن كۇدىكپەن تەرگەۋ يزولياتورىنا قامالدى»، - دەلىنگەن حابارلامادا.

قىلمىستىق-پروتسەستىك كودەكستىڭ 201-بابىنىڭ 1-بولىگىنە سايكەس وزگە اقپارات جاريا ەتۋگە جاتپايدى.