21:44, 30 - ماۋسىم 2025 | GMT +5
ىزدەۋ جاريالانعان ەكس-سۋديا قارلىعاش تاتكەيەۆاعا قانداي ايىپ تاعىلىپ وتىر
استانا. KAZINFORM - قازاقستاندىق بۇرىنعى سۋديا قارلىعاش تاتكەيەۆاعا ىزدەۋ جاريالاۋدىڭ سەبەبى ايتىلدى.
- سىبايلاس جەمقورلىققا قارسى ءىس-قيمىل اگەنتتىگى اسا ءىرى كولەمدەگى الاياقتىق جاساعانى ءۇشىن قازاقستان رەسپۋبليكاسىنىڭ ازاماتى 1971-جىلى تۋعان تاتكەيەۆا قارلىعاش قۇرماش قىزىنا ىزدەۋ جاريالادى، - دەدى سىبايلاس جەمقورلىققا قارسى ءىس-قيمىل اگەنتتىگىنىڭ رەسمي وكىلى دانيار بيگايداروۆ ۆەدومستۆودا وتكەن باسپا ءسوز ءماسليحاتىندا.
سونداي-اق اگەنتتىك وكىلى ەكس-سۋديانىڭ ورنالاسقان جەرىنە قاتىستى اقپاراتتى بىلەتىن ادامداردان انتيكورعا حابارلاسۋدى سۇراپ وتىر.
ايتا كەتەيىك، ءبىر اپتا بۇرىن ەكس-سۋديا قارلىعاش تاتكەيەۆاعا ىزدەۋ جاريالاندى. ول كەزدە ىزدەۋ سالۋ سەبەبى ايتىلماعان ەدى.
