ىزدەۋ جاريالانعان ادامداردى جاساندى ينتەللەكت انىقتاپ جاتىر - باس پروكۋراتۋرا

استانا. KAZINFORM - جاساندى ينتەللەكت پەن big data پروكۋراتۋرا قىزمەتىندە قالاي قولدانىلا باستادى؟ بۇل سۇراققا Kazinform اگەنتتىگىنىڭ BIZDIÑ ORTA پودكاستىندا ق ر باس پروكۋرورىنىڭ ورىنباسارى جاندوس ومىراليەۆ جاۋاپ بەردى.

- قازىرگى تاڭدا ءبىز جاساندى ينتەللەكتىنى ەنگىزۋ بويىنشا پيلوتتىق جوبا جۇرگىزىپ جاتىرمىز. ول، ەڭ الدىمەن، قىلمىستى دەر كەزىندە انىقتاۋعا جانە الدىن الۋعا باعىتتالعان. قالاداعى كەيبىر كامەرالارعا جاساندى ينتەللەكت ورناتىلدى. كامەرا جوق جەرلەردە دروندار كومەككە كەلەدى. وسى قۇرىلعىلارعا دا جاساندى ينتەللەكت ەنگىزىلدى، - دەدى ج. ومىراليەۆ.

ونىڭ ايتۋىنشا، جۇيە بۇزاقىلىق ارەكەتتەردى، توبەلەستى، قارۋ ۇستاعان ادامدى اۆتوماتتى تۇردە انىقتايدى جانە دەرەۋ حابارلاما بەرەدى.

- ىزدەۋدە جۇرگەن، پروباتسيادا تىركەۋدە تۇرعان نەمەسە ءۇيقاماقتاعى ازاماتتاردىڭ ءتىزىمى سيفرلاندىرىلىپ، جاساندى ينتەللەكت جۇيەسىنە قوسىلعان. ەگەر بۇل ادامدار كوشەدە جۇرسە، جۇيە بىردەن بەلگى بەرەدى، - دەپ ءتۇسىندىردى باس پروكۋروردىڭ ورىنباسارى.

ەسكە سالساق، بيىل ءساۋىر ايىندا باس پروكۋروردىڭ ورىنباسارى عالىمجان قويگەلديەۆ ىزدەۋدە جۇرگەن كۇدىكتىلەرگە قاتىستى پىكىر ايتتى.