يتاليالىق تانىمال باسىلىم ديماش قۇدايبەرگەن تۋرالى ماقالا جاريالادى

استانا. KAZINFORM - مادەنيەت، ادەبيەت، تاريح جانە فيلوسوفيا تۋرالى جازاتىن يتاليالىق «Pensiero» باسىلىمى ديماش تۋرالى «ديماش قۇدايبەرگەن. شىعىس پەن باتىستىڭ اراسى. استاناعا بارۋعا لايىقتى وتە سيرەك كەزدەسەتىن داۋىس يەسى» اتتى ماقالا جاريالادى.

ديماشتىڭ استاناداعى جەكە كونسەرتىن تاماشالاعان ماقالا اۆتورى قازاقستاندىق ەرەكشە داۋىس يەسىنىڭ ونەرى، شىعارماشىلىعى، وتباسى تۋرالى جازعان. سونىمەن قاتار الەمگە ايگىلى ءانشىنى ءتۇرلى ۇلت پەن ۇلىس وكىلدەرىن، بارشا ادامزاتتى ونەرىمەن باۋراعان، ولاردى ءبىر ارناعان توعىستىرعان دانەكەر دەپ باعا بەرەدى.

«ءبىزدى الەمنىڭ 80 ەلىنەن كەلگەن 40 مىڭ ادامدى ديماشتىڭ ونەرى بىرىكتىردى. كونسەرتتەگى اتموسفەرانى سوزبەن جەتكىزۋ مۇمكىن ەمەس. بىردەي جىلدامدىقپەن سوعىپ جاتقان كوپ جۇرەكپىز. ديماشتىڭ ءار كونسەرتى بۇرىنعىلارىنا ۇقسامايتىن ەرەكشەلىگىمەن ەستە قالادى. ءبىز ءوزىمىزدى تىلدەرىمىزدىڭ ارتۇرلىلىگىنە قاراماستان ب ۇ ۇ-نىڭ شتاب-پاتەرىندە تۇرعانداي سەزىندىك»، - دەپ جازدى اۆتور.

ەسكە سالا كەتەيىك، بۇعان دەيىن ديماش قۇدايبەرگەننىڭ دىندەر سەزىنىڭ ىزگى نيەت ەلشىسى بولىپ تاعايىندالعانىن جازعان ەدىك.