يتاليادا تۇتقىندالعان يراندىق كاسىپكەر بوساتىلدى

استانا. KAZINFORM - ا ق ش وردەرىمەن يتاليادا ۇستالعان يراندىق كاسىپكەر موحامماد ابەديني جەكسەنبى كۇنى تۇرمەدەن بوساتىلىپ، يرانعا ورالدى. بۇل تۋرالى Kazinform اگەنتتىگىنىڭ مەنشىكتى ءتىلشىسى حابارلادى.

Абедини
Фото: IRNA

وتكەن ايدا 38 جاستاعى يراندىق كاسىپكەر موحامماد ابەديني ا ق ش بيلىگىنىڭ ءوتىنىشى بويىنشا يراندىق اسكەريلەردى ۇشقىشسىز باسقارىلاتىن ناۆيگاتسيالىق بولشەكتەردى جەتكىزىپ، ا ق ش- تىڭ سانكسيالىق زاڭدارىن بۇزدى دەگەن ايىپپەن امەريكا بيلىگىنىڭ سۇراۋىمەن ميلان اۋەجايىندا ۇستالدى.

امەريكا قۇقىق قورعاۋ ورگاندارىنىڭ مالىمەتىنشە، بۇل قۇرامداس بولىكتەر كەيىننەن قاڭتار ايىندا ۇشقىشسىز باسقارىلاتىن اپپاراتتىڭ يوردانيانىڭ سيريامەن شەكارالاس جەردەگى اسكەري بازاعا سوققى جاساۋ كەزىندە پايدالانىلىپ، امەريكالىق ءۇش اسكەريدىڭ قازا تابۋىنا اكەلدى. يران بۇل سوققىعا قاتىسى بارىن جوققا شىعاردى.

بوستاندىق ءۇشىن بوستاندىق

يتالياندىق ب ا ق ونىڭ ءىسىن ابەديني تۇتقىندالۋىنان كەيىن ءۇش كۇن وتكەن سوڭ تەگەراندا ۇستالعان ⅡFoglio كۇندەلىكتى گازەتىنىڭ ءتىلشىسى سەسيليا سالانىڭ تۇتقىندالۋ ىسىمەن بايلانىستىردى. يتاليا س ءى م يران ەلشىسىن شاقىرتىپ الىپ، ۇستالعان ءتىلشىنى بوساتۋدى تالاپ ەتتى. كەيىن ول تۇرمەدەن شىعارىلىپ، يتالياعا ورالدى.

يران يتالياندىق ءتىلشى تۇرمەگە ريمگە ابەدينيدى بوساتۋعا قىسىم جاساۋ ءۇشىن قامالدى دەگەن ايىپتاردى جوققا شىعارىپ وتىر.

يراننىڭ سوت ورگاندارىنىڭ مالىمدەۋىنشە، تۇسىنىسپەۋشىلىك سالدارىنان تۇتقىندالعان ابەديني يتاليادا قاماۋدان يران سىرتقى ىستەر مينيسترلىگىنىڭ تالپىنىستارى مەن ەكى ەلدىڭ بارلاۋ قىزمەتتەرى اراسىنداعى كەلىسسوزدەردىڭ ارقاسىندا بوساتىلعان.

يران سوت ورگاندارىنىڭ حابارلاۋىنشا، تۇسىنىسپەۋشىلىك جويىلىپ، ابەديني تۇرمەدەن بوساتىلدى، دەپ حابارلايدى IRNA.

يران ءسىم باسپا ءسوز حاتشىسى ەسمايل باگاي مەن يراننىڭ م ىzan اقپارات اگەنتتىگى ابەدينيدىڭ جەكسەنبى كۇنى يرانعا كەلگەنىن راستادى.

ريم ەكستراديتسياعا قارسى

يراندىق كاسىپكەردىڭ جەكسەنبى كۇنى بوساتىلۋى يتاليانىڭ ادىلەت ءمينيسترى كارلو نورديو ميلان اپەللياتسيالىق سوتىنا ءوتىنىش بەرگەننەن كەيىن بولدى.

بۇعان دەيىن ب ا ق- تا يراندىق كاسىپكەردى ا ق ش- قا ەكستراديتسيالاۋ مۇمكىندىگى تالقىلانعان بولاتىن. الايدا يتاليانىڭ ادىلەت ءمينيسترى قۇراما شتاتتار يراندىقتى ەكستراديتسيالاۋ تۋرالى رەسمي ءوتىنىش جاساماعانىن مالىمدەدى.

يتاليانىڭ ادىلەت مينيسترلىگىنىڭ مالىمدەمەسىندە ابەدينيدى ەكستراديتسيالاۋدىڭ زاڭدى شارتتارى جوق ەكەنىنى، ويتكەنى بۇل يتاليادا دا، امەريكا قۇراما شتاتتارىندا دا جازالاناتىن قىلمىستار ءۇشىن عانا مۇمكىن بولاتىنى ايتىلعان.

مالىمدەمەدە ا ق ش- تىڭ توتەنشە ەكونوميكالىق وكىلەتتىكتەر تۋرالى حالىقارالىق زاڭىنىڭ بۇزىلۋى يتالياندىق زاڭ بويىنشا قىلمىس دەپ تانىلعان ارەكەتتەرگە سايكەس كەلمەيتىنى اتاپ ءوتىلدى. سونداي- اق يراندىق كاسىپكەر لاڭكەستىك ۇيىمدى قولدادى دەگەن باسقا ايىپتاۋلاردى راستايتىن ەشقانداي دالەل جوق ەكەنى اتاپ ءوتىلدى.

يتالياندىق جانە حالىقارالىق اقپارات قۇرالدارىنىڭ حابارلاۋىنشا، سەسيليا سالانىڭ بوساتىلۋى يتاليا پرەمەر- ءمينيسترى دجوردجا مەلوني ا ق ش- تىڭ جاڭادان سايلانعان پرەزيدەنتى دونالد ترامپقا فلوريداداعى مار- ا- لاگوداعى ۇيىنە بارعاننان كەيىن كوپ ۇزاماي بولعان. يتاليا ا ق ش- تان سالانىڭ يتالياعا تەز ورالۋى ءۇشىن ابەدينيدى ەكستراديتسيالاۋدان باس تارتۋدا ىنتىماقتاستىق جاساۋىن سۇرادى.

سوڭعى جاڭالىقتار