يتاليادا قۇرىلىسشى روبوت قۇراستىرىلدى
يتاليادا قۇرىلىسشى روبوت پايدا بولدى. وزىق تەحنولوگيا گەنۋيا قالاسىنداعى قۇرىلىس الاڭىندا سىناقتان وتكەن. روبوت كونسەرت دەپ اتالادى. كوپ شارۋانى مەحانيكالىق قولىمەن تىندىرادى.
ول وپەراتوردىڭ باسقارۋىمەن دە، ءوز بەتىمەن دە جۇمىس ىستەي الادى. نەگىزىنەن ادامنىڭ كۇشى جەتە بەرمەيتىن، يكەمىنە كەلمەيتىن جانە ۇنەمى قايتالاناتىن قيىن ءىس-ارەكەتتەردى جاسايدى.
نيكولاوس ساگاراكيس، يتاليانىڭ تەحنولوگيا ينستيتۋتى روبوت تەحنيكاسى زەرتحاناسىنىڭ جەتەكشىسى:
- جۇيەنىڭ قاۋىپسىزدىگىن قامتاماسىز ەتۋ ءۇشىن روبوتقا 3د لينزا، ۋلترادىبىستى جانە باسقا دا كوپ قۇرىلعى ورناتىلدى. وسىلايشا ول جانىنداعى ادامدى كورىپ تۇرادى. بۇل سوعىلىپ قالۋدان قورعايدى.
كونسەرت بۇرعىلاۋ، قۇم توسەۋ، بوياۋ، اۋىر زاتتاردى تاسۋ سياقتى سان الۋان جۇمىستاردى اتقارا بەرەدى. ونىڭ مەحانيكالىق قولىن تاپسىرما ماقساتىنا وراي قايتا قۇرىلىمداۋعا بولادى. قۇرىلىسشى روبوت قالا ورتالىعىنداعى ءۇيدى باستان- اياق سالىپ شىعۋعا قاتىسىپ، سىناقتان ءساتتى ءوتتى.
نيكولاوس ساگاراكيس، يتاليانىڭ تەحنولوگيا ينستيتۋتى روبوت تەحنيكاسى زەرتحاناسىنىڭ جەتەكشىسى:
- بۇل روبوتتار جانە قاۋىپتى جەردە جۇمىس ىستەۋ ءۇشىن وتە ىڭعايلى. مۇنداي ىستەر ادامعا ۇلكەن قيىندىق تۋدىرار ەدى. اسىرەسە جاڭا تەحنولوگيالىق ءتۇرلى تابيعي اپاتتار جاعدايىندا ۇيىندىلەردى تازارتۋ، بلوكتاردى ارشۋ كەزىندە كومەگى وراسان بولماق. ونى الىستان باسقارىپ نەمەسە اۆتونومدى تۇردە جۇمىس ىستەتىپ، ەش كەدەرگىسىز ارەكەت ەتۋگە تولىق مۇمكىندىك بار.
عالىمدار قۇرىلىسشى روبوت اتقارا الاتىن تاپسىرمالار اۋقىمىن كەڭەيتۋدى جوسپارلاپ وتىر. الداعى ۋاقىتتا ول جاساندى ينتەللەكتىنىڭ ارقاسىندا ءوز جۇمىسىنا باعا بەرىپ، ءتيىستى ناتيجەگە جەتۋ ءۇشىن تۇزەتۋلەر ەنگىزۋ قابىلەتىنە يە بولماق.
اۆتور- مامانداردىڭ قازىرگى مىندەتى - جاڭا ونىمگە رەسمي كۋالىك الۋ. قۇجات قولعا تيگەن سوڭ قۇرىلىسشى روبوت جاپپاي ساتىلىمعا شىعارىلادى.
ەرنات راحمەتوللا، تامەرلان كيم
https://24.kz
