ىستانبۇلداعى كەلىسسوزدە رەسەي ۋكرايناعا بەس شارت قويدى

استانا. KAZINFORM - ىستانبۇلدا ۋكراينامەن وتكەن كەلىسسوزدە رەسەي ءوزىنىڭ نەگىزگى تالاپتارىن ايتتى. بۇل تۋرالى رەسەي دەلەگاتسياسىنىڭ وكىلى ۆلاديمير مەدينسكيي ءمالىم ەتتى، دەپ حابارلايدى  Clash Report.

ماسكەۋدىڭ نەگىزگى شارتتارى مىنالاردى قامتيدى:

1. ۋكراينانىڭ بەيتاراپ مارتەبەسى. كيەۆ اۋسترياداعىداي بەيتاراپتىق ۇلگىسىن ۇستانىپ، ءوز تەرريتورياسىنا شەتەلدىك اسكەرلەر مەن جاپپاي قىرىپ-جويۋ قارۋىن ورنالاستىرۋدان باس تارتۋى كەرەك.

2. رەپاراتسيادان باس تارتۋ. ەكى تاراپ جانجال كەزىندە كەلتىرىلگەن زياندى وتەۋ تۋرالى ءوزارا تالاپتاردان باس تارتۋعا مىندەتتەنەدى.

3. ورىس ءتىلدى حالىقتىڭ قۇقىعىن قورعاۋ. ۋكراينا ۇلتتىق ازشىلىقتىڭ قۇقىقتارىن قورعاۋدىڭ ەۋروپالىق ستاندارتتارىن قابىلداۋى جانە «ۇلتشىلدىق ناسيحات» دەپ مالىمدەگەندى توقتاتۋى كەرەك.

4. تەرريتوريانى مويىنداۋ. كيەۆ رەسەيدىڭ بەس ايماقتاعى ەگەمەندىگىن مويىنداۋى كەرەك: دونەتسك، لۋگانسك، حەرسون، زاپوروجە جانە قىرىم. ماسكەۋ دە بۇل اۋماقتىق وزگەرىستەردى حالىقارالىق مويىنداۋدى تالاپ ەتەدى.

5.تەز ارادا اتىستى توقتاتۋ. ۋكراينا رەسەي ءوز يۋريسديكسياسىنىڭ ءبىر بولىگى دەپ سانايتىن بارلىق اۋماقتاردان اسكەرىن شىعارۋى كەرەك.

ىستانبۇلداعى كەلىسسوز رەسەي مەن ۋكراينا اراسىنداعى قارۋلى قاقتىعىس اياسىندا ءوتىپ جاتىر. ۋكراين تاراپى ايتىلعان تالاپتارعا ءالى رەسمي جاۋاپ بەرگەن جوق.

بۇعان دەيىن تۇركيا سىرتقى ىستەر ءمينيسترى حاكان فيدان تاراپتار قاقتىعىستى شەشۋ جولىن ءوز بەتىنشە انىقتاۋى كەرەكتىگىن اتاپ وتكەن.

اۆتور

ەركەجان سماعۇلوۆا