20:29, 13 - جەلتوقسان 2023 | GMT +5
يسپانيادا جەلتوقسان ايىندا رەكوردتىق تەمپەراتۋرا تىركەلدى
سەيسەنبى كۇنى يسپانيادا ىستىق اۋا ماسساسى پيرەنەي تۇبەگىن باسىپ ءوتتى. وڭتۇستىكتە تەرمومەتر 30 گرادۋسقا جۋىق كوتەرىلىپ، شاڭعى ماۋسىمىن كەيىنگە قالدىردى. Kazinform بۇل تۋرالى Reuters اگەنتتىگىنە سىلتەمە جاساپ حابارلايدى.
«بۇل جەلتوقسان ايىنىڭ ءدال وسى كەزەڭىندە يسپانيا ۇستىنەن وتكەن ەڭ جىلى اۋا ماسساسى»، - دەدى ا ە م ە ت ۇلتتىق مەتەورولوگيالىق اگەنتتىگىنىڭ وكىلى رۋبەن دەل كامپو.
دەل كامپونىڭ حابارلاۋىنشا، ۆالەنسيا سياقتى جەرورتا تەڭىزىنىڭ شۋاقتى جاعالاۋىنداعى قالالاردا اۋا تەمپەراتۋراسى كەم دەگەندە 27 گرادۋسقا جەتكەن.
ۇلتتىق مەتەورولوگيالىق اگەنتتىگىنىڭ بولجامىنشا، سارسەنبى كۇنى جوعارى ەندىكتەردەن كەلەتىن سالقىن اۋا تەمپەراتۋرانى جەلتوقسانداعى قالىپتى دەڭگەيگە دەيىن تومەندەتەدى.
