يسپانيا قورعانىس شىعىنىن ارتتىرۋدان باس تارتتى
استانا. KAZINFORM - ناتو ەلدەرى گااگاداعى سامميتتە قازىرگى گەوساسياي احۋالعا ساي جاڭا ستراتەگياسىن قابىلدادى.
اليانس مەملەكەتتەرى قورىتىندى دەكلاراتسيادا قاۋىپسىزدىكتى قامتاماسىز ەتۋگە 2035 -جىلعا قاراي جالپى ىشكى ءونىمنىڭ پايىز5- ءىن بولۋگە كەلىستى. ءبىراق يسپانيا پرەمەر-ءمينيسترى پەدرو سانچەس ونىمەن كەلىسپەيتىندىگىن اشىق ايتىپ، ءوز ەلىن بۇل مىندەتتەمەدەن بوساتىپ الدى. گااگاداعى سامميتتە تالقىلانعان باستى تاقىرىپ ۇيىمعا مۇشە ەلدەردىڭ قورعانىسقا بولەتىن قارجى كولەمىن ەكى ەسەگە دەيىن ارتتىرۋ بولدى. ياعني ءار مەملەكەت قاۋىپسىزدىك سالاسىنا جالپى ىشكى ءونىمنىڭ پايىز2- نەن پايىز5 دەيىن جەتكىزۋ ۇسىنىلدى. ا ق ش پرەزيدەنتىنىڭ تالابىن اليانسقا مۇشە ەلدەردىڭ بارلىعى قولداعانمەن يسپانيا باس تارتتى.
كورولدىكتىڭ ۇكىمەت باسشىسى پەدرو سانچەس الەۋمەتتىك جاۋاپكەرشىلىكتى العا تارتىپ، يسپانيانىڭ ۇلەسىن 2,1 پايىز دەڭگەيىندە قالدىراتىنىن جەتكىزدى. اق ءۇي قوجايىنى رەسمي ءمادريدتىڭ قادامىن سىنعا الىپ، ەكونوميكالىق سانكتسيالارمەن سەس كورسەتتى.
پەدرو سانچەس، يسپانيا پرەمەر-ءمينيسترى:
- ج ءى ءو- ءنىڭ 5 پايىزىن جۇمساۋ مەملەكەتىمىزدىڭ الەۋمەتتىك مودەلىمەن سايكەس كەلمەيدى. دەگەنمەن يسپانيا ناتو- نىڭ مىندەتتەمەلەرىن ارى قاراي ورىنداي بەرەدى. ءبىراق ءبىز قورعانىسقا بولەتىن قارجىنى 2,1 پايىز دەڭگەيىندە شەكتەيمىز.
دەسە دە رەسمي مادريد: «يسپانيانى قورعانىسقا از اقشا قۇيىپ وتىر دەپ ايىپتاۋعا كەلمەيدى. ءبىزدىڭ ەل - اليانستىڭ بارلىق مىندەتتەرىن ورىنداپ وتىرعان مەملەكەت»، - دەيدى. سونداي-اق ناتو شەڭبەرىندەگى حالىقارالىق ميسسيالاردا بەلسەندىلىگىن العا تارتادى. يسپانيا ورتاشا ەسەپپەن جىل سايىن اسكەري ءىس-شارالارعا شامامەن 800 ميلليون ەۋرو قارجى جۇمسايدى. ءبىراق بۇل وزگە ەلدەرگە قاراعاندا ەداۋىر از.
سانتياگو نينيۋ بەچەررا، ەكونوميست:
- يسپانيانىڭ قارجىلىق مىندەتتەمەلەرى ناتو-عا مۇشە باسقا مەملەكەتتەرمەن سالىستىرعاندا ايتارلىقتاي از. 2024 -جىلى يسپانيا قورعانىسقا شامامەن جالپى ىشكى ءونىمنىڭ 1,28 پايىزىن ءبولدى. بۇل ناتو قۇرامىنداعى ەڭ تومەن كورسەتكىشتەردىڭ ءبىرى.
يسپانيا - ناتو- نىڭ گەوساياسي تۇرعىدان ەڭ ماڭىزدى مۇشەسىنىڭ ءبىرى. مەملەكەت اتلانت مۇحيتى مەن جەرورتا تەڭىزىنىڭ تۇيىسكەن جەرىندە ورنالاسقان. 2000 -جىلى ناتو- نىڭ جەدەل ارەكەت ەتۋ بويىنشا اسكەري شتاب پاتەرىن اشىپ، ۇيىمنىڭ جاۋىنگەرلىك الەۋەتىن ارتتىرۋعا مۇمكىندىك جاسادى. سوندىقتان كورولدىكتىڭ «اليانس شەڭبەرىندە اۋە، تەڭىز جانە قۇرلىقتاعى بارلىق ءىس-شارا بويىنشا وتە بەلسەندىمىز»، - دەپ مالىمدەيتىن ءجونى بار.
