يسپانيا مەن پورتۋگاليا ەلەكتر جارىعىنسىز قالدى

استانا. KAZINFORM - يسپانيا مەن پورتۋگاليادا ەلەكتر قۋاتى جاپپاي ءۇزىلىپ جاتىر. تەمىرجول جانە جول قاتىناسى ءۇزىلدى، باعدارشامدار دا ىستەن شىقتى. وقيعانىڭ سەبەبى انىقتالىپ جاتىر.

Endesa جانە Iberdrola كومپانيالارى يسپانيا ۋاقىتىمەن تۇستەن كەيىن بولعان اۋقىمدى ەلەكتر قۋاتىن ءوشىرۋ سەبەپتەرىن انىقتاپ جاتىر. بۇل يسپانياعا، پورتۋگالياعا جانە فرانتسيا مەن اندوررانىڭ كەيبىر ايماقتارىنا اسەر ەتتى.

ميلليونداعان ادام ەلەكتر قۋاتىنسىز قالدى.

يسپانيا ۇكىمەتى شۇعىل جينالىس وتكىزىپ جاتىر.

ەۋروپاداعى ەڭ ءىرى اۋەجايلاردىڭ ءبىرى — مادريد باراحاسى ەلەكتر قۋاتىنسىز قالدى. كەلگەن رەيستەردىڭ جولاۋشىلارى ۇشاقتا كۇتۋگە ءماجبۇر، دەپ جازدى ساياحاتشىلاردىڭ ءبىرى.

مالىمەتتەرگە سايكەس، كانار ارالدارىندا، سەۋتتە جانە مەليلەدە ەلەكتر قۋاتىمەن پروبلەما جوق.

Euronews مالىمەتىنشە پورتۋگاليا، ەلەكتر قۋاتىنىڭ ءۇزىلۋى ەل تۇرعىندارىن تاڭقالدىردى، جۇزدەگەن جولاۋشى ليسسابون مەن مادريدتەگى مەترو تۋننەلدەرىندە، سونداي-اق ەلەكتر قۋاتى جوق باسقا قالالاردا بۇعاتتالدى.

اۋرۋحانالار گەنەراتورلاردا جۇمىس ىستەپ جاتىر.

يسپاندىق ب ا ق فرانسيانىڭ وڭتۇستىك- باتىسىنداعى ءورت پەرپينيان مەن شىعىس ناربوننا اراسىنداعى جوعارى ۆولتتى ەلەكتر جەلىسىنە زاقىم كەلتىردى دەپ جازادى.

اۆتور

ەركەجان سماعۇلوۆا