يراننىڭ وڭتۇستىگىندەگى پورتتا جويقىن جارىلىس بولدى
استانا. KAZINFORM - بەندەر-ابباستاعى شاحيد رادجاي پورتىندا جارىلىس بولدى، دەپ حابارلايدى IRNA.
سوڭعى مالىمەتتەر بويىنشا جارىلىس سالدارىنان زارداپ شەككەندەر سانى 406 ادامعا جەتتى.
- بەندەر-ابباستاعى شاحيد رادجاي پورتىنداعى قۋاتتى جارىلىستان كەيىن جەدەل جاردەم قىزمەتى دەرەۋ دايىندىق كۇيىنە كەلتىرىلدى. قازىرگى ۋاقىتتا اۋرۋحانالارعا 406 زارداپ شەگۋشى جەتكىزىلدى، - دەدى ەلدىڭ جەدەل جاردەم ۇيىمىنىڭ وكىلى.
پورتتاعى جارىلىسقا بايلانىستى كەدەن قىزمەتى شاحيد رادجاي پورتىنداعى جارىلىس پورتتار جانە تەڭىز ءجۇزۋ ۇيىمىنا قاراستى «سينا» كونتەينەر الاڭىندا بولعانىن حابارلادى.
بۇعان دەيىن يران مەن ا ق ش وماندا يادرولىق كەلىسسوزدەر جۇرگىزەتىنى ءمالىم بولدى. ەكى جاق ا ق ش سانكسيالارىن جەڭىلدەتۋدىڭ ورنىنا يراننىڭ يادرولىق ارەكەتتەرىن تەجەۋگە باعىتتالعان كەلىسىمنىڭ تەحنيكالىق جاقتارىن كەلىسۋگە تىرىسادى.
