15:08, 18 - ماۋسىم 2025 | GMT +5
يراننىڭ ەشقاشان يادرولىق قارۋى بولمايدى - G7 كوشباسشىلارىنىڭ مالىمدەمەسى
استانا. قازاقپارات - G7 ەلدەرىنىڭ كوشباسشىلارى دۇيسەنبى كۇنى بىرلەسكەن مالىمدەمە جاساپ، وندا يراننىڭ يادرولىق قارۋى بولماۋى كەرەك دەپ مالىمدەپ، ءيزرايلدىڭ ءوزىن-ءوزى قورعاۋ قۇقىعىن راستادى، دەپ حابارلايدى Politico.
- يران - ايماقتىق تۇراقسىزدىق پەن لاڭكەستىكتىڭ نەگىزگى كوزى. ءبىز يران ەشقاشان يادرولىق قارۋعا يە بولا المايتىنىن دايەكتى تۇردە مالىمدەيمىز. ءبىز تاياۋ شىعىستاعى سوعىس قيمىلدارىن، سونىڭ ىشىندە گازاداعى اتىستى توقتاتۋدى كەڭەيتۋ ءۇشىن يراندىق داعدارىستى شەشۋگە شاقىرامىز، - دەلىنگەن ا ق ش، ۇلى بريتانيا، فرانسيا، گەرمانيا، يتاليا، كانادا جانە جاپونيا، سونداي-اق ەۋرووداق باسشىلارى جاريالاعان مالىمدەمەدە.
بۇل مالىمدەمە ا ق ش پرەزيدەنتى دونالد ترامپ تاياۋ شىعىستاعى جاعدايعا بايلانىستى G7 سامميتىنەن ەرتە كەتىپ قالعان سوڭ جاسالدى.
