يراننىڭ اۋە قورعانىسى F-15 جويعىش ۇشاعىن اتىپ ءتۇسىردى

استانا. KAZINFORM - يراننىڭ وڭتۇستىگىندە اۋە قورعانىس كۇشتەرى F-15 جويعىش ۇشاعىن اتىپ ءتۇسىردى. بۇل تۋرالى يران مەملەكەتتىك تەلەارناسى اۋە قورعانىسىنىڭ بىرىككەن شتابىنا سىلتەمە جاساپ حابارلادى.

مالىمەتكە سايكەس، قارسىلاسقا تيەسىلى F-15 ەلدىڭ وڭتۇستىگىندە جويىلدى.

رەسمي مالىمدەمەدە ۇشاق اۋە شابۋىلىنا قارسى قورعانىس كۇشتەرىنىڭ زەنيتتىك-زىمىران كەشەندەرى ارقىلى اتىپ تۇسىرىلگەنى جانە ونىڭ پارسى شىعاناعىنداعى ورمۋز ارالى ماڭىنا قۇلاعانى ايتىلعان.

وقيعانىڭ ءمان- جايىن انىقتاۋ ءۇشىن تەرگەۋ باستالدى. سونىمەن قاتار ا ق ش پەن يزرايل ازىرگە جويعىش ۇشاقتىڭ قۇلاۋى تۋرالى اقپاراتقا پىكىر بىلدىرگەن جوق.

ايتا كەتەيىك، يران 19- ناۋرىز كۇنى ا ق ش- قا تيەسىلى F-35 ۇشاعىن اتىپ تۇسىرگەنىن مالىمدەگەن. ال كەشە يزرايلدىڭ F-16 جويعىشىنىڭ اتىلعانىن حابارلاعان.

ا ق ش قارۋلى كۇشتەرى ءوز كەزەگىندە يران شابۋىل جاساعان F-35 ۇشاعى قاتتى قونۋ سالدارىنان قيراعانىن مالىمدەدى. ال تەل-اۆيۆ يزرايل اۋە كۇشتەرىنىڭ F-16 ۇشاعى يران اسكەرى تاراپىنان اتقىلاۋعا ۇشىراعانىمەن، ەشقانداي زاقىم الماعانىن حابارلادى.

ايتا كەتەيىك، بۇعان دەيىن يران ورمۋز بۇعازىن تولىق جاۋىپ تاستاۋى مۇمكىن ەكەنى حابارلاندى.