21:08, 21 - شىلدە 2025 | GMT +5
يراننان 1,5 ميلليون اۋعان ازاماتى قۋىلدى
استانا. قازاقپارات - يران بيلىگى جىل باسىنان بەرى ەل اۋماعىنان 1,5 ميلليوننان استام اۋعان ازاماتىن دەپورتاتسيالادى. بۇل تۋرالى ب ۇ ۇ مالىمدەدى. ءماجبۇرلى قونىس اۋدارۋ يزرايلمەن اراداعى سوڭعى شيەلەنىستەن كەيىن كۇشەيە ءتۇستى.
ساراپشىلار بوسقىندار قۇقىعىنىڭ بۇزىلۋى مۇمكىن ەكەنىن اتاپ ءوتتى. ولاردىڭ مالىمەتىنشە، دەپورتاتسيالانعاندار ازاپتاۋعا، قاتىگەز قارىم- قاتىناسقا ۇشىرايدى. ب ۇ ۇ وكىلدەرى دەپورتاتسيانى دەرەۋ توقتاتۋعا شاقىرىپ جاتىر. ولاردىڭ ايتۋىنشا، بوسقىنداردى قايتارۋ پروتسەسى قاۋىپسىز ءارى ەرىكتى تۇردە جۇزەگە اسۋى ءتيىس.
