يران ساۋدا كەمەلەرى ءۇشىن ورمۋز بۇعازىن جاپپاۋعا ۋادە بەردى

استانا. KAZINFORM - يتاليا سىرتقى ىستەر ءمينيسترى جانە پرەمەر-ءمينيستردىڭ ورىنباسارى انتونيو تاياني يراندىق ارىپتەسى ابباس اراگچيمەن بولعان اڭگىمەسى تۋرالى باياندادى، دەپ حابارلايدى Trend.

ونىڭ ايتۋىنشا، يراندىق ارىپتەسى ابباس اراگچيمەن اڭگىمەلەسۋ بارىسىندا يراننىڭ ساۋدا كەمەلەرى ءۇشىن ورمۋز بۇعازىن جابۋ نيەتى جوق ەكەنىن جەتكىزدى.

- مەن يراندىق مينيستردەن وڭدى حابار الدىم. ول يراننىڭ ورمۋز بۇعازىنداعى ساۋدا كەمەلەرىنىڭ قوزعالىسىنا كەدەرگى جاساعىسى كەلمەيتىنىن ايتتى، - دەپ قوستى ول.

اقپارات اگەنتتىگىنىڭ حابارلاۋىنشا، ورمۋز بۇعازى الەمدەگى سۇيىتىلعان تابيعي گازدىڭ 30 پايىزىن جانە جاھاندىق مۇناي ەكسپورتىنىڭ 20 پايىزىن قامتاماسىز ەتەدى. بۇعاز ارقىلى كۇنىنە 20 ميلليون باررەلگە دەيىن مۇناي تاسىمالدانادى، بۇل دۇنيەجۇزىندەگى جالپى كولەمنىڭ بەستەن ءبىر بولىگىن قۇرايدى. بۇعاز ماڭىزدى ساۋدا جولى سانالادى.

ايتا كەتەيىك، الەمدىك مۇناي نارىعى يزرايل مەن يراننىڭ قارقىندى سوققى الماسۋىنا قاتتى اسەر ەتتى.

وسىعان دەيىن يراننىڭ يزرايلگە اسكەري قاقتىعىستاردى توقتاتۋ جونىندەگى ۇسىنىسىنان كەيىن مۇناي باعاسى %3,2- عا تومەندەگەنى تۋرالى جازدىق.

اۆتور

ەركەجان سماعۇلوۆا