يران پرەزيدەنتى حيدجاب تۋرالى زاڭعا ۆەتو قويدى
استانا. KAZINFORM - رەسمي تەگەران ايەلدەردىڭ قوعامدىق ورىنداردا مىندەتتى تۇردە حيدجاب كيۋى تۋرالى قاتاڭ زاڭ ەنگىزۋ پروتسەسىن توقتاتتى، دەپ جازادى Euronews.
حيدجاب كيۋدەن باس تارتۋ قازىردىڭ وزىندە يراندا ايىپپۇل سالىنادى نەمەسە تۇرمەگە قامالادى، ءبىراق جاڭا زاڭمەن جازا سوماسى دا، مەرزىمى دە اۋىر بولادى.
ۆەتو قۇقىعىن پايدالانعان ەل پرەزيدەنتى ماسۋد پەزەشكيان يران پارلامەنتىنىڭ ەرەجەلەردى قاتاڭداتۋ باستاماسىن قولدامادى. ول جاڭا شارا قولدانۋ نارازىلىق تۋدىرۋى مۇمكىن ەكەنىن ەسكەرتتى.
وسىعان دەيىن سەنات يرانمەن ساۋدانى جاڭا دەڭگەيگە شىعارۋعا ارنالعان زاڭدى ماقۇلداعانىن جازدىق.
قاراستىرىلىپ وتىرعان زاڭ تاراپتاردىڭ ساۋدا-ەكونوميكالىق ىنتىماقتاستىعىن كەڭەيتۋ، تاۋار نومەنكلاتۋراسىنىڭ كەڭ بولىگىنە قاتىستى باجسىز ساۋدا رەجيمىن قامتاماسىز ەتۋگە باعىتتالعان.
