يران پرەزيدەنتى ا ق ش پەن ەۋروپا ەلدەرىن يزرايلدى توقتاتۋعا شاقىردى
استانا. قازاقپارات - يران تاياۋ شىعىستا قاقتىعىستىڭ شيەلەنىسۋىن قالامايدى. يران پرەزيدەنتى ماسۋد پەزەشكيان يزرايلمەن اراداعى جانجالدىڭ ۋشىعۋانى قاتىستى قاتارداعى ءىس-ساپارىندا وسىلاي دەپ پىكىر ءبىلدىردى.
ونىڭ ايتۋىنشا، ەگەر يزرايل ايتقان بەتىنەن تايماي، سوعىس اشاتىن بولسا، كەلەسى جاۋاپ بۇدان دا كۇشتى بولادى. ا ق ش پەن ەۋروپا ەلدەرى يزرايلدى توقتاتۋعا ارەكەت ەتۋى كەرەك.
«ءبىزدىڭ قالايتىنىمىز سوعىس ەمەس، اۋەلدەن بەيبىتشىلىك جاعىندامىز»، - دەدى يران پرەزيدەنتى.
ماسۋد پەزەشكيان، يران پرەزيدەنتى:
- ايماقتىڭ قاۋىپسىزدىگى - تۇتاس مۇسىلمان قاۋىمنىڭ قاۋىپسىزدىگى. ءبىز سوعىس پەن قانتوگىستى قالامايمىز. يران پرەزيدەنتتى بولعان ساتتەن باستاپ، ءار سوزىمدە تەك بەيبىت كۇن ورناتۋ تۋرالى ايتىپ كەلەمىن. ەشبىر مەملەكەت سوعىستىڭ ورتاسىندا ءجۇرىپ گۇلدەنىپ، وركەنيەتتى ەل بولا المايدى.
تاميم بين حاماد ال تاني، قاتار ءامىرى:
- قاتاردىڭ ماقساتى قاقتىعىستىڭ ارتىن ۇلكەن سوعىسقا ۇلاستىرماي، ەكى تاراپتى ورتاق كەلىسىمگە كەلتىرۋ. بۇل ءۇشىن يزرايل گازا سەكتورىنداعى، ليۆانداعى ادىلەتسىز ارەكەتتەرىن دوعارۋى كەرەك.
