11:07, 23 - شىلدە 2025 | GMT +5
يران، رەسەي جانە قىتاي يراننىڭ يادرولىق باعدارلاماسى بويىنشا كەلىسسوز جۇرگىزدى
استانا. قازاقپارات - 22-شىلدەدە تەگەراندا يران، رەسەي جانە قىتاي وكىلدەرىنىڭ ءۇشجاقتى كەزدەسۋى ءوتتى. كەلىسسوزدىڭ باستى تاقىرىبى يراننىڭ يادرولىق باعدارلاماسى توڭىرەگىندەگى داعدارىستى رەتتەۋ ماسەلەسى بولدى، دەپ حابارلايدى ت ا س س اگەنتتىگى.
Tasnim اگەنتتىگىنىڭ حابارلاۋىنشا، تاراپتار كونسۋلتاتسيالاردى جالعاستىرىپ، يراننىڭ يادرولىق باعدارلاماسىنا قاتىستى داعدارىستى شەشۋ ءۇشىن ءوز ارەكەتتەرىن ۇيلەستىرۋگە كەلىستى. كەزدەسۋلەردىڭ «الداعى اپتالاردا ءارتۇرلى دەڭگەيدە» جالعاساتىنى اتاپ ءوتىلدى.
اگەنتتىك سونداي-اق رەسەي جانە قىتاي دەلەگاتسيالارىنىڭ باسشىلارى يرانعا ساپارى بارىسىندا سىرتقى ىستەر ءمينيسترىنىڭ ساياسي ماسەلەلەر جونىندەگى ورىنباسارى مادجيد تاحت-راۆانچي جانە باسقا دا ءبىرقاتار يراندىق ديپلوماتتارمەن جەكە-جەكە كەزدەسكەنىن جازدى.
