يران كورپۋس قولباسشىسى حوسسەين سالاميدىڭ قازا تاپقانىن راستادى
استانا. KAZINFORM - يران يسلام ريەۆوليۋسياسى ساقشىلار كورپۋسىنىڭ قولباسشىسى حوسسەين سالاميدىڭ قازا تاپقانىن رەسمي تۇردە راستادى، دەپ جازدى ريا نوۆوستي.
- حوسسەين سالامي مەن يسلام ريەۆوليۋسياسىنىڭ باسقا دا قورعاۋشىلارى شاھيد بولعانى تۋرالى كسير مالىمدەمە جاسادى. يران جاقىن ارادا حالىقتى جاۋدىڭ قىلمىستىق وپەراتسياسى مەن وعان بەرىلەتىن جاۋاپ شارالارى تۋرالى حاباردار ەتەدى، - دەلىنگەن يسلام ريەۆوليۋسياسى ساقشىلار كورپۋسىنىڭ مالىمدەمەسىندە.
بۇعان دەيىن يران بيلىگى يزرايلدىڭ تەگەرانداعى تۇرعىن ۇيلەرگە، سونىڭ ىشىندە جوعارى لاۋازىمدى اسكەري جانە شەنەۋنىكتەر تۇرعان ۇيلەرگە سوققى جاساعانىن حابارلاعان بولاتىن. سونداي-اق ناتانز قالاسىنداعى يادرولىق نىسان مەن ەلدىڭ سولتۇستىك-باتىسىنداعى يراندىق اسكەري بولىمشەلەر ورنالاسقان ايماقتار دا شابۋىلعا ۇشىراعانى ايتىلدى.
ايتا كەتەيىك، يزرايل يرانعا سوققى بەرىپ، اۋە كەڭىستىگىن جاۋىپ تاستادى.
