يران ب ۇ ۇ قاۋىپسىزدىك كەڭەسىنە شۇعىل حات جولدادى
استانا. KAZINFORM - ا ق ش- تىڭ يرانداعى يادرولىق نىساندارعا جاساعان شابۋىلىنا بايلانىستى يراننىڭ ب ۇ ۇ جانىنداعى ەلشىسى ءارى تۇراقتى وكىلى امير سايد يراۆاني جەكسەنبى كۇنى ب ۇ ۇ باس حاتشىسى مەن قاۋىپسىزدىك كەڭەسىنىڭ ءتوراعاسىنا رەسمي حات جولدادى، دەپ حابارلايدى IRNA.
ب ۇ ۇ- داعى يران وكىلى ا ق ش- تىڭ ارەكەتىن قاتاڭ ايىپتاپ، قاۋىپسىزدىك كەڭەسىنىڭ شۇعىل وتىرىسىن تالاپ ەتتى.
ب ۇ ۇ- عا جولداعان حاتىندا يراننىڭ تۇراقتى وكىلى امير سايد يراۆاني ا ق ش- تىڭ الدىن الا جوسپارلانعان اگرەسسيۆتى ارەكەتتەرىن قاتاڭ ايىپتادى.
- يران يسلام رەسپۋبليكاسى ەشقانداي ارانداتۋشىلىق سەبەپسىز جاسالعان بۇل الدىن الا جوسپارلانعان اگرەسسيۆتى ارەكەتتەردى قاتاڭ تۇردە ايىپتايدى. بۇل شابۋىلدار - 13- ماۋسىمدا يزرايل رەجيمى يراننىڭ بەيبىت يادرولىق نىساندارىنا جاساعان اۋقىمدى اسكەري وپەراتسياسىنىڭ جالعاسى، - دەلىنگەن حات ماتىنىندە.
يران وكىلى ب ۇ ۇ قاۋىپسىزدىك كەڭەسىنىڭ شۇعىل وتىرىسىن وتكىزىپ، بۇل شابۋىلداردى بارىنشا قاتاڭ تۇردە ايىپتاۋدى تالاپ ەتتى.
