يران الەمدىك مۇناي نارىعىندا دۇربەلەڭ تۋدىردى

استانا. قازاقپارات - الەمدە «قارا التىن» قىمباتتادى. تاياۋ شىعىستاعى قاقتىعىسقا يراننىڭ ارالاسۋى الەمدىك مۇناي نارىعىنا اسەر ەتتى. جالپى تاياۋ شىعىس ايماعى الەمنىڭ مۇناي نارىعى ءۇشىن ماڭىزدى.

ويتكەنى بۇل وڭىرگە عالامدىق «قارا التىن» ءوندىرىسىنىڭ 30 پايىزى تيەسىلى. وسى ايماقتاعى الپاۋىت ەل - يراننىڭ يزرايلگە شابۋىل باستاۋى الەمدىك نارىقتا دۇربەلەڭ تۋعىزدى. ويتكەنى يران - ءىرى مۇناي ءوندىرۋشى. ول كۇنىنە شامامەن 3 ميلليون باررەل «قارا التىن» شىعارادى. بۇل - الەمدىك مۇناي ءوندىرىسىنىڭ %3.

بۇدان بولەك، رەسمي تەگەراننىڭ ورمۋز بۇعازىنداعى ءجۇرىس-تۇرىسقا ىقپالى وراسان. اتالعان سۋ ايدىنى ارقىلى الەمدىك مۇناي ساۋداسىنىڭ %30 تاسىمالدايتىن «قارا التىن» جانە گاز تانكەرلەرى وتەدى. ولار كۇنىنە 20 ميلليون باررەل مۇنايدىڭ جەتكىزىلۋىن قامتاماسىز ەتەدى. ساۋد ارابياسى، يراك، بىرىككەن اراب امىرلىكتەرى، كۋۆەيت پەن قاتار سياقتى باسقا ءىرى وندىرۋشىلەر ورمۋز بۇعازىنا قاتتى تاۋەلدى.

ەۋروپاداعى ءىرى كونسالتيڭگتىك كومپانيا - Capital Economics مۇناي باعاسىنىڭ باررەلى 100 دوللارعا دەيىن قىمباتتاۋى مۇمكىن دەپ بولجايدى.

24.kz