يراكتا توي كەزىندە ءورت بولىپ، 100 ادام قازا تاپتى

 يراكتىڭ سولتۇستىكتەگى نايناۆا پروۆينسياسىندا توي سالتاناتى كەزىندە ءورت بولىپ، 100 ادام قازا تاپتى، 150 دەن استام تۇرعىن زارداپ شەكتى. 

Иракта той кезінде өрт болып, 100 адам қаза тапты
Фото: pixabay.com

زارداپ شەككەندەر قاتارىندا كۇيەۋ جىگىت پەن قالىڭدىق تا بار. وقيعانى Al Arabiya باسىلىمى باقىلاپ وتىر.

قازاقپارات بۇل تۋرالى Life باسىلىمىنا سىلتەمە جاساپ حابارلايدى.

الدىن الا دەرەك بويىنشا، ءىس-شارادا اتىلعان وتشاشۋ ءورت تۇتانۋىنا سەبەپ بولعان. توي زالىنىڭ قاۋىپسىزدىك تەحنيكاسى بۇزىلعان، تەز جاناتىن پانەلدەن جاسالعان بولىپ شىقتى. سالدارىنان ءتىلسىز جاۋ تەز جايىلىپ كەتىپ، عيماراتتىڭ كەي بولىكتەرى وپىرىلىپ تۇسكەن.

يراك دەنساۋلىق ساقتاۋ مينيسترلىگى باعداد پەن باسقا دا پروۆينسيالاردان زارداپ شەككەندەرگە كومەك كورسەتۋ ءۇشىن قوسىمشا كۇش جىبەردى. جارالانعان ادامداردى تاسۋعا كوپتەگەن جەدەل جاردەم كولىگى جۇمىلدىرىلدى. قىزىل جالىنمەن كۇرەس جالعاسىپ جاتىر.

سوڭعى جاڭالىقتار