ۇيقىسىزدىقتان قالاي ارىلۋعا بولادى؟

دارىگەر ميشەل درەرۋپ ۇيقىسىزدىقتان ارىلۋدىڭ ەرەكشە ءادىسىن اتادى.

ول ۇيقىسىزدىقتان ارىلۋ ءۇشىن شۇلىقپەن ۇيىقتاۋعا كەڭەس بەردى. ال سالاۋاتتى ءومىر سالتى بويىنشا ساراپشى دجەسسيكا اندرادە دۇرىس ۇيقىسىز ءتىپتى ەڭ پايدالى ادەتتەر دە اعزاعا وڭ اسەر ەتپەيتىنىن جەتكىزدى. ول مىسال رەتىندە دۇرىس تاماقتانۋدى كەلتىردى. تۇنگى ۇيقى ناشار بولسا، مۇنىڭ اسەرى ءتيىمسىز بولادى، ويتكەنى تابەتكە جاۋاپ بەرەتىن گورموندار باقىلاۋدان شىعادى.

ەسكە سالايىق، بۇعان دەيىن دەنساۋلىق ساقتاۋ مينيسترلىگى ەرەسەكتەر مەن بالالار قانشا ساعات ۇيىقتاعانى ءجون ەكەنىن ايتتى.

مەديتسينالىق كومەكتى ۇيىمداستىرۋ دەپارتامەنتى بۇل ساۋال ادامنىڭ جاسىنا بايلانىستى ەكەنىن مالىمدەدى:

جاڭا تۋعان نارەستەلەر (0-3 اي): 14-17 ساعات؛
سابيلەر (4-12 اي): 12-16 ساعات؛
1-2 جاستاعى بالالار: 11-14 ساعات؛
3-5 جاستاعى بالالار: 10-13 ساعات؛
6-12 جاستاعى بالالار: 9-12 ساعات؛
13-18 جاس ارالىعىنداعى جاسوسپىرىمدەر: 8-10 ساعات؛
ەرەسەكتەر، ياعني 18-64 جاستاعىلار: 7-9 ساعات؛
65 جاستان اسقان قارتتار: 7-8 ساعات.