ۋينستون چەرچيللدىڭ كوزىلدىرىگى قوماقتى سوماعا ساتىلىمعا شىقتى

استانا. KAZINFORM - ۋينستون چەرچيلل پايدالانعان وقۋ كوزىلدىرىگى وتە جوعارى باعامەن ساتىلىمعا شىعارىلدى، دەپ جازدى ءازارتادج.

چەرەپاح پانسيرىنەن جاسالعان دوڭگەلەك جيەكتى كوزىلدىرىك شامامەن 80000 ا ق ش دوللارىنا باعالانىپ وتىر. بۇل كوزىلدىرىكتەر ۇلى بريتانيا پرەمەر-ءمينيسترى ءۇشىن لوندونداعى c. W. Dixey and Sons كومپانياسىندا ارنايى جاسالعان.

ءازارتادج شەتەلدىك ب ا ق-قا سىلتەمە جاساپ حابارلاعانداي، چەرچيلل بۇل كومپانيانىڭ ايگىلى 1805 ۇلگىسىندەگى دوڭگەلەك جيەكتى، «قۇلىپ تەسىگى» ءپىشىندى كوپىرى بار كوزىلدىرىگىن تاققان.

ءار جۇپ كوزىلدىرىك ونىڭ بەت پىشىنىنە ءدال سايكەس ەتىپ دايىندالىپ، چەرچيللدىڭ جەكە تالاپتارىنا ساي جەتىلدىرىلگەن. مىسالى، كوزىلدىرىكتىڭ شەتكى سابىنىڭ ۇشتارىنداعى اق نۇكتەلەر ولاردىڭ نە ۇشىن قولدانىلاتىنىن بىلدىرگەن. بۇل كوزىلدىرىكتەگى ءبىر اق نۇكتە - ونىڭ وقۋعا ارنالعانىن كورسەتەدى. باسقا كوزىلدىرىكتەر سويلەۋ، سۋرەت سالۋ جانە جازۋ ماقساتىندا ارنايى جاسالعان.

كوزىلدىرىكتى بريستول قالاسىنداعى Paul Fraser Collectibles كومپانياسى ساتىلىمعا شىعارعان. ونىمەن بىرگە كوزىلدىرىكتىڭ ءتۇپنۇسقا قاپتاماسى جانە ءوندىرۋشى كومپانيانىڭ شىققان تەگىن راستايتىن قول قويىلعان حاتى ۇسىنىلادى.

كوزىلدىرىكتى كومپانيانىڭ رەسمي ۆەب-سايتىنان ساتىپ الۋعا بولادى.

ايتا كەتۋ كەرەك، C. W. Dixey and Sons كومپانياسى 1777 -جىلى قۇرىلعان جانە بۇگىنگە دەيىن جۇمىسىن جالعاستىرىپ كەلەدى. بۇل - الەمدەگى ەڭ كونە جانە تاۋەلسىز كوزىلدىرىك ءوندىرۋشى كومپانيا بولىپ سانالادى. ول بىرنەشە ونجىلدىق بويى بريتان كورولدىك وتباسى ءۇشىن، سونىڭ ىشىندە جەتى پاتشا مەن پاتشايىمعا ارناپ كوزىلدىرىك جاساعان.

ەسكە سالا كەتەيىك، بۇعان دەيىن ديانا حانشايىم مەن ۋينستون چەرچيللدىڭ وسيەتتەرى جەلىگە شىققانىن جازعان ەدىك.