گيننەسس رەكوردى: الەمدەگى 16 جولاقتى ەڭ كەڭ كوشە قاي ەلدە

استانا. KAZINFORM - قالا ورتالىعىندا جول سالۋ ءۇشىن ونداعان مىڭ شارشى مەتر جىلجىمايتىن مۇلىكتى بۇزۋعا تۋرا كەلگەن. ارگەنتينا استاناسى بۋەنوس- ايرەستەگى Avenida 9 Julio الەمدەگى ەڭ كەڭ كوشە رەتىندە گيننەستىڭ رەكوردتار كىتابىنا ەنگىزىلدى. بۇل كوشە ەنى 140 مەتردى الىپ جاتقان 16 جولاقتان تۇرادى.

16 жолақты жол
Фото: Оdditycentral

بۋەنوس- ايرەس «وڭتۇستىك امەريكانىڭ پاريجى» دەپ اتالادى، سوندىقتان جەرگىلىكتى بيلىك ينفراقۇرىلىمنىڭ مونۋمەنتالدى بولىگىن سالۋ ارقىلى وسى بەدەلدى نىعايتۋعا شەشىم قابىلداعان. ايگىلى فرانسۋز داڭعىلىنان ەكى ەسە كەڭ بولاتىن قالا ورتالىعى ارقىلى وتەتىن تاس جول سالۋ يدەياسى وسىلاي پايدا بولدى.

ۇلكەن جوبانىڭ اياقتالۋىنا جارتى عاسىر ۋاقىت قاجەت بولعان. كەڭ داڭعىل جاساۋ ءۇشىن قۇرىلىسشىلار ورتالىقتاعى 60 مىڭ شارشى مەتر جىلجىمايتىن مۇلىكتى بۇزىپ، مىڭداعان تۇرعىندى وزگە جەرگە قونىستاندىرۋعا ءماجبۇر بولدى.

قازىر داڭعىلدا 16 جولاق بار، ونىڭ ىشىندە ءتورت جولاق قوعامدىق كولىكتەرگە ارنالعان.

اۆتور

ورالحان قوجانوۆ

سوڭعى جاڭالىقتار