ينفراقۇرىلىم وزىق قارقىنمەن دامۋعا ءتيىس: ولجاس بەكتەنوۆ استاناداعى ءبىرقاتار نىسانعا باردى

 استانا. KAZINFORM - پرەمەر-مينيستر ولجاس بەكتەنوۆ استانانىڭ ءبىرقاتار ينفراقۇرىلىمدىق، الەۋمەتتىك جانە مادەني نىسانىنا باردى.

ۇكىمەت باسشىسى «ينتەرناتسيونالنىي» تۇرعىن الابىنداعى قۋاتى تاۋلىگىنە 105 مىڭ м3بولاتىن №3 جاڭا سورعى- سۇزگى ستانتسياسىنىڭ جۇمىسىمەن تانىستى. ونىڭ ىسكە قوسىلۋى ەلوردانىڭ اۋىزسۋ قاجەتتىلىگىن تولىعىمەن جابۋعا مۇمكىندىك بەردى.

«وتكەن جىلى سۋمەن قامتاماسىز ەتۋدە پروبلەمالار بولدى. مەملەكەت باسشىسىنىڭ تاپسىرماسى بويىنشا ءتيىستى شارالار قابىلدانىپ، 2027 -جىلعا دەيىن قاجەتتى قۋات قورى قالىپتاستىرىلدى. ينجەنەرلىك ينفراقۇرىلىم ۇدايى وزىق قارقىنمەن دامۋعا ءتيىس. پروبلەمالارعا جول بەرىلمەۋى كەرەك»، - دەدى ولجاس بەكتەنوۆ.

ودان بولەك قانىش ساتبايەۆ اتىنداعى كانالدان جانە قۋاتى تاۋلىگىنە 210 مىڭ м3 بولاتىن №4 سورعى- سۇزگى ستانتسياسىنان ۇزىندىعى 200 ك م سۋ قۇبىرىن سالۋ جوبالارىن ازىرلەۋ باستالدى. بۇل ەلوردانىڭ 2035 -جىلعا دەيىنگى قاجەتتىلىكتەرىن وتەيدى.

سونىمەن قاتار پرەمەر-مينيسترگە استانانىڭ باسقا دا تىرشىلىكتى قامتاماسىز ەتۋ جۇيەلەرىنىڭ دامۋى تۋرالى باياندالدى. ۇكىمەتتىڭ قولداۋىمەن ءبىرقاتار جاڭا نىسان قۇرىلىسى اياقتالدى. بۇگىنگى تاڭدا 3- ج ە و- نىڭ ءبىرىنشى كەزەگى، سونداي- اق قۋاتى ساعاتىنا 1100 گكال بولاتىن «تۇران» جانە «وڭتۇستىك- شىعىس» ەكى گاز جىلۋ ستانتسياسى ىسكە قوسىلىپ، قالانىڭ جىلۋ بەرۋ قۋاتى %30 عا ۇلعايدى.

استانانىڭ ەنەرگيا كوزدەرىنىڭ جالپى قۋاتى ساعاتىنا 3,7 مىڭ گكال-دان اسادى. قازىرگى جىلۋ بەرۋ ماۋسىمىندا قالانىڭ ەڭ جوعارى تۇتىنۋ دەڭگەيى شامامەن ساعاتىنا 3 مىڭ گكال- دى قۇرادى. وسىلايشا، پروفيتسيت ساعاتىنا 700 گكال- عا جەتىپ وتىر، بۇل قالانىڭ قاجەتتىلىكتەرىن 2027 -جىلعا دەيىن قامتاماسىز ەتۋگە مۇمكىندىك بەرەدى.

بۇل رەتتە 2024 -جىلى «تۇران» گاز جىلۋ ستانتسياسىنىڭ ەكىنشى كەزەگىن، «تەلمان» ستانتسياسىنىڭ ءبىرىنشى كەزەڭىن جانە 3- ج ە و- نىڭ كومىر بولىگىن تولىعىمەن اياقتاۋ، 2- ج ە و- نى كەڭەيتۋ جوباسىن باستاۋ جانە «وڭتۇستىك- باتىس» ستانتسياسىن جوبالاۋعا كىرىسۋ جوسپارلانىپ وتىر. وسى جوبالاردىڭ بارلىعىن ىسكە اسىرۋ 2035 -جىلعا دەيىن قاجەتتى جىلۋ قورىن تولىق قامتاماسىز ەتۋگە مۇمكىندىك بەرەدى.

سونداي- اق ەلوردانى گازبەن قامتۋ جۇمىستارى جالعاسۋدا. بۇگىنگى تاڭدا 13 تۇرعىن ءۇي الابىندا 12,5 مىڭنان استام ابونەنت كوگىلدىر وتىنعا قول جەتكىزدى. قازىرگى ۋاقىتتا قۋاتتىلىعى 460 مىڭ м3/ساع بولاتىن ەكى اۆتوماتتاندىرىلعان گاز تاراتۋ ستانساسى جۇمىس ىستەيدى. بۇل رەتتە، جاڭا ەنەرگيا كوزدەرىنىڭ ىسكە قوسىلۋىن جانە تۇتىنۋدىڭ ءوسۋىن ەسكەرە وتىرىپ، بيىل قۋاتى 350 مىڭ м3/ساع جاڭا اگرس-3 قۇرىلىسىن باستاۋ جوسپارلانىپ وتىر. جوبانى اياقتاۋ مەرزىمى 2025 -جىلعا دەيىن.

سونىمەن قاتار ۇكىمەت باسشىسىنا ەلوردانىڭ ەلەكترمەن جانە سۋمەن جابدىقتاۋ جۇيەلەرىن نىعايتۋ جۇمىستارى، اۆتوجولداردى كۇردەلى جوندەۋ جانە كارىزدىك جۇيەلەردى جاڭعىرتۋ جوسپارلارى تۋرالى اقپارات بەرىلدى.

ولجاس بەكتەنوۆ تولە بي كوشەسىندەگى 2 مىڭ ورىنعا ارنالعان جايلى مەكتەپ قۇرىلىسىنىڭ بارىسىمەن تانىستى. اتالعان نىساننىڭ اشىلۋى وسى جىلدىڭ تامىز ايىنا جوسپارلانعان.

مەملەكەت باسشىسى قاسىم-جومارت توقايەۆتىڭ تاپسىرماسى بويىنشا «جايلى مەكتەپ» ۇلتتىق جوباسى جۇزەگە اسىرىلۋدا. رەسپۋبليكادا 2024-2025 -جىلدارى 740 مىڭ وقۋشىعا ارنالعان 369 جايلى مەكتەپتى، ونىڭ ىشىندە بيىل 217 مەكتەپتى ىسكە قوسۋ جوسپارلانۋدا. ولاردىڭ قۇرىلىسى ءبىرىڭعاي ستاندارت بويىنشا جۇرگىزىلەدى. بۇل رەتتە اۋىلدىق جەرلەردە 163 مەكتەپ سالىنادى.

ولجاس بەكتەنوۆ بۇل جۇمىستاردا وتاندىق ءوندىرىستىڭ قۇرىلىس ماتەريالدارى مەن جيھازدارىن بەلسەندى پايدالانۋدىڭ ماڭىزدىلىعىن اتاپ ءوتتى.

سونداي- اق پرەمەر-مينيستر ش ى ۇ جەلىسى بويىنشا جانە دۇنيەجۇزىلىك كوشپەندىلەر ويىندارى اياسىندا وتەتىن ءىس- شارالار كەزىندە پايدالانىلاتىن تاۋەلسىزدىك سارايى مەن «قازانات» يپپودرومىنىڭ اۋماعىنداعى جوندەۋ جۇمىستارىنىڭ بارىسىن تەكسەردى.

اۆتور

اسحات رايقۇل