21:59, 21 - جەلتوقسان 2023 | GMT +5
يندونەزيانىڭ شىعىسىندا 28 جولاۋشى مىنگەن كەمە جوعالىپ كەتتى
قۇتقارۋشىلار سارسەنبى كۇنى يندونەزيانىڭ شىعىسىنداعى باتىس سۋلاۆەسي پروۆينتسياسىنداعى مامۋدجۋ جاعالاۋىندا ءىز-ءتۇزسىز جوعالىپ كەتكەن 28 ادام مىنگەن كەمەنى ىزدەپ جاتىر.
بەيسەنبى كۇنى مامۋدجۋ قۇتقارۋ قىزمەتىنىڭ باسشىسى مۇحامماد ريزال بۇل تۋرالى جەرگىلىكتى ب ا ق- قا حابارلاعان.
Kazinform بۇل تۋرالى شينحۋا اگەنتتىگىنە سىلتەمە جاساپ حابارلايدى.
ونىڭ ايتۋىنشا، ۇيلەنۋ تويىن تويلاپ جۇرگەن 28 ادام مىنگەن كەمە امبو ارالىندا بايلانىستان اجىراعان. وقيعا تۋرالى حابارلاما ونىڭ كەڭسەسىنە سارسەنبى كۇنى كەشكە كەلىپ تۇسكەن.
كەمە جەرگىلىكتى ۋاقىت بويىنشا شامامەن 10:00 دە امبو ارالىنان شىعىپ، مامۋدجۋداعى سۋمارە پورتىنا 16:00 دە ورالۋى كەرەك بولعان.
ول امبو ارالىنا قۇتقارۋ توبى جىبەرىلگەنىن ايتتى.
