چيليدەگى ەڭ قۇرعاق اتاكاما شولىندە 10 جىلدان بەرى العاش رەت قار جاۋدى
استانا. KAZINFORM - جەر بەتىندەگى ەڭ قۇرعاق ءشول سانالاتىن اتاكامادا سوڭعى ون جىلدا العاش رەت قار جاۋدى، دەپ حابارلايدى Kazinform اگەنتتىگىنىڭ ءتىلشىسى.
اتاكاما ءشولىنىڭ كەيبىر ايماقتارىندا ونداعان، ءتىپتى جۇزدەگەن جىل بويى جاۋىن-شاشىن تىركەلمەگەن.
بۇل تۋرالى ALMA وبسەرۆاتورياسىنىڭ باسپا ءسوز قىزمەتى X الەۋمەتتىك جەلىسىندە حابارلادى.
«كەرەمەت! الەمدەگى ەڭ قۇرعاق اتاكاما ءشولى قار جامىلدى!» - دەلىنگەن حابارلامادا.
مۇنداي اۋا رايى انومالياسى سوڭعى رەت ون جىل بۇرىن بايقالعانى اتاپ ءوتىلدى.
ادەتتە، مۇنداي قۇبىلىستار تىنىق مۇحيتىنان كەلگەن سۋىق اۋا ماسسالارىنىڭ ىلعالدى فرونتتارمەن ءتۇيىسۋى ناتيجەسىندە پايدا بولادى. اتاكاما شولىندەگى قار جەرگىلىكتى ەكوجۇيەگە ايتارلىقتاي اسەر ەتىپ، كولىك قاتىناسى مەن تۇرعىنداردىڭ ومىرىنە قيىندىقتار تۋدىرۋى مۇمكىن.
ەسكە سالايىق، بۇعان دەيىن گرەكياداعى بيوالۋانتۇرلىلىك باقىلاۋ ورتالىعى ەگەي تەڭىزىندە ۋلى كۇلگىن مەدۋزالاردىڭ سانى ايتارلىقتاي ارتقانىن حابارلاعان بولاتىن.
