يلون ماسك TikTok قا ارنالعان جوسپارىن ايتتى
استانا. KAZINFORM - امەريكالىق ميللياردەر TikTok تى ساتىپ الۋ نيەتى تۋرالى قاۋەسەتتى جوققا شىعاردى، دەپ حابارلايدى DW.
Die Welt گازەتى وتكىزگەن بيزنەس- سامميت بارىسىندا يلون ماسك تانىمال قىسقا بەينە قوسىمشاسى TikTok تى ساتىپ الۋعا مۇددەلى ەمەس ەكەنىن ايتتى.
«مەن TikTok ساتىپ الۋ تۋرالى ۇسىنىس جاساعان جوقپىن»، - دەدى ماسك ا ق ش پرەزيدەنتى دونالد ترامپ امەريكالىق كاسىپكەردىڭ قىتايلىق ByteDance كومپانياسىنا تيەسىلى قوسىمشانى ساتىپ الۋىنا قارسى بولمايتىنىن ايتقان سوڭ ءبىر اپتادان كەيىن.
ماسك قولدانبانى جەكە پايدالانبايتىنىن، ونىڭ فورماتىن بىلمەيتىنىن جانە TikTok ءۇشىن «جوسپارى جوق» ەكەنىن قوستى.
ونىڭ ايتۋىنشا، قازىرگى X دەپ اتالاتىن Twitter مەديا پلاتفورماسىن ساتىپ الۋ ءوزى ءۇشىن ەرەكشە وقيعا بولدى.
«مەن ادەتتە كومپانيالاردى نولدەن باستاپ كوتەرەمىن»، - دەپ اتاپ ءوتتى ماسك.
