يلون ماسك پەنسيلۆانياداعى ميتينگ كەزىندە دونالد ترامپتى قولدادى

استانا. قازاقپارات - X الەۋمەتتىك جەلىسىنىڭ يەسى يلون ماسك سايلاۋالدى جيىنعا جينالعانداردى 5-قاراشادا وتەتىن سايلاۋدا ترامپتى قولداۋعا شاقىردى، دەپ حابارلايدى BBC.

ا ق ش رەسپۋبليكالىق پارتياسىنان پرەزيدەنتتىككە ۇمىتكەر دونالد ترامپ 13-شىلدەدە وزىنە قاستاندىق جاساۋمەن اياقتالعان سايلاۋ ناۋقانىن جالعاستىرۋ ءۇشىن پەنسيلۆانيا شتاتىنداعى باتلەر قالاسىنا ورالدى.

ميتينگتە ونىمەن بىرگە X يەسى يلون ماسك ءسوز سويلەپ، جينالعانداردى 5-قاراشادا وتەتىن سايلاۋدا ترامپتى قولداۋعا شاقىردى.

مۇنداي سايلاۋالدى شوۋ ترامپقا قۇبىلمالى شتاتتاردىڭ ءبىرى سانالاتىن پەنسيلۆانيادا داۋىس جيناۋعا كومەكتەسۋى كەرەك. ساۋالناماعا سايكەس، ازىرگە مۇندا ونىڭ قارسىلاسى، ۆيتسە-پرەزيدەنت كامالا حارريس كوش باسىندا.

دونالد ترامپ سەنبى كۇنى پەنسيلۆانيا شتاتىنىڭ بالتەر قالاسىندا وتكەن ميتينگىدە سويلەگەن ءسوزىن «بۇرىن وسىندا ايتقانىمداي...» دەپ باستادى.

وق وتپەيتىن اينەك ارتىندا تىڭداپ وتىرعان قولداۋشىلار بۇل ازىلگە قول سوقتى. ترامپ باتلەرگە سوڭعى رەت 13-شىلدەدە، وزىنە قاستاندىق جاسالعان كۇنى كەلگەن.

ەسكە سالا كەتسەك، بۇعان دەيىن ا ق ش- تىڭ پەنسيلۆانيا شتاتىندا سايلاۋالدى اكسياسى كەزىندە دونالد ترامپقا قاستاندىق جاسالعانىن جازعان بولاتىنبىز.

ونىڭ قۇلاعى جاراقاتتاندى، ءبىر ميتينگكە قاتىسۋشى قايتىس بولدى، تاعى ەكەۋى اۋىر جاراقات الدى. اتقان ادامدى قۇپيا قىزمەت ولتىرگەن.

Wall Street Journal باسىلىمى ا ق ش رەسپۋبليكالىق پارتياسىنىڭ كانديداتى دونالد ترامپقا وق جاۋدىرعان 20 جاستاعى توماس مەتيۋ كرۋكس تۋرالى جاڭا مالىمەتتەردى اشتى.

پەنسيلۆانيادا ونىڭ قاۋىپسىزدىگىن سنايپەرلەر قامتاماسىز ەتتى. باتلەردەگى ميتينگ كەزىندە قاۋىپسىزدىك شارالارى ايتارلىقتاي كۇشەيتىلدى.

«امەريكادا كونستيتۋتسيا مەن دەموكراتيانى ساقتاۋ ءۇشىن پرەزيدەنت ترامپ سايلاۋدا جەڭىسكە جەتۋى كەرەك. ول جەڭىسكە جەتۋى ءتيىس»، - دەدى ماسك.

ول جينالعانداردى داۋىس بەرۋگە قاتىسۋ ءۇشىن تىركەلۋگە شاقىردى.

يلوك ماسك باتلەردە ترامپقا جاسالعان قاستاندىقتى «ناعىز مىنەز سىناعى» دەپ اتادى.