ۆيلنيۋستە اپاتقا ۇشىراعان جۇك ۇشاعى تۋرالى نە بەلگىلى

استانا. KAZINFORM - ۆيلنيۋس حالىقارالىق اۋەجايى ماڭىندا جۇك ۇشاعى اپاتقا ۇشىرادى، دەپ حابارلايدى ت ا س س اقپارات اگەنتتىگى.

ۇشاق لەيپتسيگتەن ۆيلنيۋسكە ۇشىپ بارا جاتىپ، اۋەجايدان بىرنەشە شاقىرىم جەردە قۇلاعان. ول ءبىراز ۋاقىتتان بەرى رەيستەردى قابىلداماعان جانە ۇشىرماعان. قازىر ونىڭ جۇمىسى قايتا جانداندى.

الدىن الا مالىمەتكە سايكەس، ۇشاق بورتىندا ەكى ۇشقىش پەن كومپانيانىڭ ەكى قىزمەتكەرى بولعان. وقيعا ورنىنان جەرگىلىكتى 12 تۇرعىن ەۆاكۋاتسيالاندى.

اپات بولعان جەردە ءورت سوندىرۋشىلەر جۇمىس ىستەپ جاتىر. ۇشاق قۇلاعان ايماقتىڭ تۇرعىندارى زارداپ شەككەن جوق، دەپ حابارلادى داعدارىسقا قارسى ۇلتتىق ورتالىقتىڭ باسشىسى ۆيلمانتاس ۆيتكاۋسكاس.

ونىڭ ايتۋىنشا، ۇشاق بورتى بۇرىن حابارلانعانداي ەكى قاباتتى تۇرعىن ءۇيدىڭ ۇستىنە ەمەس، ونىڭ جانىنا قۇلاعان.

اپاتقا ۇشىراعان ۇشاقتىڭ ۇشۋدى باسقارۋ ورتالىعىنىڭ ديسپەتچەرىمەن كەلىسسوزدەر ادەتتەگىدەي جالعاستى.

ۇشاق شۇعىل قونعان جوق، دەپ مالىمدەدى ۆيتكاۋسكاس. بورت قۇلاعان جوق، قالىپتى قونۋعا دايىندالىپ جاتقان.

سوڭعى مالىمەت بويىنشا، ءبىر ادام قايتىس بولدى. يسپانيا ازاماتى DHL كومپانياسىنىڭ قىزمەتكەرى بولعان.

وسىعان دەيىن ليتۆادا جۇك تاسيتىن ۇشاقتىڭ اپاتقا ۇشىراعانىن جازدىق.