يلحام اليەۆ رەسەيدىڭ AZAL ۇشاعىنا قاتىستى ۇستانىمىن سىنعا الدى

استانا. قازاقپارات - III شۋشا حالىقارالىق مەديافورۋمى اياسىندا وتكەن كەزدەسۋدە ازەربايجان پرەزيدەنتى يلحام اليەۆ AZAL اۋە كومپانياسىنىڭ ۇشاعىنا قاتىستى وقيعا جونىندە پىكىر ءبىلدىردى، دەپ حابارلايدى ازەرتادج.

- وكىنىشكە قاراي، ءبىز رەسەيدىڭ رەسمي تۇلعالارىنان ەشقانداي جاۋاپ العان جوقپىز. بۇل وقيعادان كەيىن جەتى اي ءوتتى. ءبارى تۇسىنىكتى، نە بولعانىن بىلەمىز. ءبىز بۇل فاكتىنى دالەلدەي الامىز جانە رەسەيدىڭ رەسمي وكىلدەرى دە نە بولعانىن جاقسى بىلەدى. ەندى ماسەلە - نەگە ولار ءدال وسىنداي جاعدايدا كەز كەلگەن كورشى ەل جاساۋعا ءتيىس ارەكەتتى جاسامادى؟ ءبىزدىڭ تالابىمىز - كىناسىن مويىنداۋ، ۇشاقتى اتىپ تۇسىرگەندەردى جازالاۋ جانە قازا تاپقاندار مەن زارداپ شەككەندەردىڭ وتباسىلارىنا، سونداي-اق AZAL ۇشاعىنا وتەماقى تولەۋ. بۇل - وتە ورىندى جانە زاڭدى تالاپ، - دەدى يلحام اليەۆ.

ايتا كەتەيىك، 2024-جىلعى 25-جەلتوقساندا اقتاۋ ماڭىندا باكۋدەن گروزنىيعا باعىت العان AZAL جولاۋشىلار ۇشاعى اپاتقا ۇشىراعان بولاتىن. بورتتا 67 ادام، ونىڭ ىشىندە بەس ەكيپاج مۇشەسى بولعان. اپات سالدارىنان 38 جولاۋشى قازا تاۋىپ، 29 ادام امان قالدى.

ۇشاق اپاتىنا قاتىستى رەسەيدە، قازاقستاندا جانە ازەربايجاندا قىلمىستىق ءىس قوزعالدى.

كەيىننەن برازيليا اسكەري-اۋە كۇشتەرىنىڭ اۋە اپاتتارىن زەرتتەۋ ورتالىعىنىڭ (Cenipa) ماماندارى AZAL اۋە كومپانياسىنىڭ اپاتقا ۇشىراعان Embraer 190 ۇشاعىنىڭ قارا جاشىگىن تالداۋعا كىرىسكەنى حابارلاندى.

قازاقستان رەسپۋبليكاسى كولىك ۆيتسە-ءمينيسترى تالعات لاستايەۆ قازاقپارات تىلشىسىنە اۋە اپاتىن تەرگەۋدىڭ الدىن الا قورىتىندىسى قاشان بەلگىلى بولاتىنىن ايتتى.

30-جەلتوقساندا حالىقارالىق اۋە كولىگى قاۋىمداستىعى (IATA) وقيعانى جان-جاقتى جانە بەيتاراپ تەرگەۋگە شاقىردى.

ق ر كولىك مينيسترلىگى اقتاۋ ماڭىنداعى ۇشاق اپاتى بويىنشا تەرگەۋ قورىتىندىلارىنىڭ ەسەبىن جاريالادى.

ناۋرىز ايىندا رەسەيلىك «الفاستراحوۆانيە» كومپانياسى ازەربايجان اۋە كومپانياسىمەن بىرلەسىپ، زارداپ شەككەن جولاۋشىلاردىڭ جانە قازا بولعانداردىڭ تۋىستارىنا وتەماقى تولەگەنى ايتىلدى.