ەلىمىزدە ىشكى كوشى-قون سانى ارتىپ كەلەدى

استانا. قازاقپارات- 2014-2018-جىلدارى ەلىمىزدە ىشكى ميگرانتتاردىڭ سانى ەكى ەسەگە ارتقان، دەپ حابارلايدى 24KZ.

بۇل ءۇردىس ءالى دە بايقالادى. ىشكى كوشى-قون اۋقىمىنىڭ وسىلاي كۇرت ءوسۋى ايماقتارداعى ەڭبەك كۇشى دەڭگەيىنىڭ ارتۇرلىلىگىن كورسەتەدى. جۇمىس كۇشى از ايماقتارعا حالىقتى قونىستاندىرۋ ءالى دە جالعاسادى.

ماسەلەن، وتكەن جىلى وسىنداي وڭىرلەرگە 8903 ادام قونىس اۋدارعان. ونىڭ 2 مىڭنان استامى قانداستارىمىز بولسا، 7 مىڭعا جۋىعى - وزگە وڭىرلەردەن كوشىپ كەلگەن وتانداستارىمىز. الايدا اۋا رايىنىڭ جاقپاۋى، باسپانا جايى، سونىمەن قاتار باسقا دا ماسەلەلەرمەن 49 وتباسى نەمەسە 184 ادام قايتا كوشىپ كەتكەن.

بيىل قونىستاندىرۋ جوباسى اياسىندا تاعى 9483 كۆوتا بولىنبەك، ول بىلتىرعىمەن سالىستىرعاندا 554 كە كوپ. وڭىرلەرگە كوشىپ بارعانداردى جۇمىسپەن قامتۋ شارالارى دا نازاردان تىس قالماعان. وتكەن جىلى قونىس اۋدارعانداردىڭ ىشىندە ەڭبەككە قابىلەتتى 4 مىڭنان استام ازامات بار. ونىڭ 3079 ى تۇراقتى جۇمىسپەن قامتىلعان. 164 ادام جەكە كاسىپكەرلىكپەن اينالىسۋدى باستاعان. 35 ادامعا بيزنەس اشۋ ءۇشىن گرانتتار بەرىلگەن.استانا. قازاقپارات - 2014-2018-جىلدارى ەلىمىزدە ىشكى ميگرانتتاردىڭ سانى ەكى ەسەگە ارتقان، دەپ حابارلايدى 24KZ.