ۇيدەگى تىشقانداردان قالاي ارىلۋعا بولادى: ەڭ ءتيىمدى ادىستەر

استانا. KAZINFORM - ۇيدە تىشقانداردىڭ پايدا بولۋى ودان قورقاتىن نەمەسە جەلكەنشەك ادامدار ءۇشىن سىناق قانا ەمەس، سونداي-اق وتباسى مۇشەلەرىنىڭ دەنساۋلىعىنا قاۋىپتى.

تىشقانداردان قالاي ارىلۋعا بولادى؟ تولىعىراق Massaget.kz ماتەريالىندا.

تىشقاندار نەسىمەن قاۋىپتى؟

ۇيدە تىشقانداردىڭ بولۋى ءبىرقاتار جاعىمسىزدىقتارعا اكەلەدى:

جەرتولەدەگى نەمەسە قويماداعى ونىمدەردىڭ بۇزىلۋى؛

جيھازداردىڭ لاستانۋى؛

كيىمدەردىڭ ءبۇلىنۋى (كيىمدەردى تىستەپ، تەسىپ تاستايدى)؛

تۇندە سىقىرلاتىپ، ۇيىقتاتپاۋى مۇمكىن؛

جاعىمسىز ءيىستىڭ پايدا بولۋى؛

اۋرۋ قوزدىرعىشتارىن تاسىمالداۋ.

نەلىكتەن ۇيدە تىشقاندار پايدا بولادى؟

ۇيدە تىشقانداردىڭ پايدا بولۋ قاۋپىن ارتتىراتىن بىرنەشە فاكتور بار:

ءۇي قوقىستىڭ جانىندا ورنالاسقان؛

ۇيدە شاشىلىپ جاتقان جەرتولە بار؛

ءۇيدىڭ تومەنگى قاباتىندا ازىق-تۇلىك دۇكەنى بار؛

سانيتارلىق شارتتاردى ساقتاماۋ؛

تىشقاندار ۇيگە كوشكەن كەزدە، مىسالى، قوراپتىڭ ىشىنە كىرىپ كەتىپ كەلگەن بولۋى مۇمكىن؛

ءۇيدىڭ جانىندا مال ۇستايتىن جەر بار.

ۇيدە تىشقاننىڭ پايدا بولعانىن قالاي بىلۋگە بولادى؟

ۇيدە تىشقاننىڭ پايدا بولعانىن انىقتاۋ قيىن ەمەس.

تىشقان قوقىسى. پاتەردىڭ بۇرىشتارىنا، اسىرەسە اس ءۇي شكافتارى نەمەسە قويمالار سياقتى ايقىن ەمەس جەرلەرگە نازار اۋدارىڭىز. تىشقان ساڭىلاۋلارى ادەتتە ولشەمى ءبىر سانتيمەتردەن از، كۇرىش ءتارىزدى، ۇساق تۇيىرشىكتەر تۇرىندە كورىنەدى.

زاتتاردىڭ ءبۇلىنۋى. سىمدار، كيىمدەر، جيھازدار تىستەلىنگەن، تەسىك بولادى. ءۇيدىڭ قابىرعالارى دا مۇجىلگەن بولۋى مۇمكىن. جارمالار جانە باسقا دا ازىق-تۇلىك ساقتالعان قاپتار بۇلىنەدى.

جاعىمسىز ءيىستىڭ بولۋى. ادەتتە تىشقان بار ۇيدە جاعىمسىز، ايرىقشا ءيىس بولادى. ەگەر ۇيىڭىزگە كەلگەن ادام قانداي دا ءبىر ءيىس شىعىپ تۇرعانىن ايتسا، ول تىشقانداردىڭ سەبەبىنەن بولۋى مۇمكىن.

تۇندە سىقىرلايتىن، بىردەڭەنى تىرناپ جاتقان داۋىستار ەستىلەدى. تىشقاندار اسىرەسە، تۇندە بەلسەندى. سوندىقتان سىزدەر ۇيقىعا جاتىپ، ءۇي تىنىشتالعان كەزدە تىشقانداردىڭ داۋىسىن ەستۋىڭىز مۇمكىن. مۇنداي دىبىستار اسىرەسە، اس بولمەدەن، شكافتاردىڭ ارتىنان، شاتىردان نەمەسە جەرتولەدەن ەستىلەدى.

ۇيدەگى تىشقانداردان قالاي ارىلامىز؟

ۇيىڭىزدە تىشقاندار بار ەكەنىن بىلگەن بويدا كوبەيىپ كەتپەس ءۇشىن بىردەن ولارمەن كۇرەسۋدى باستاۋ كەرەك.

وتكەلدەردى بىتەۋ

تىشقاندار ۇيگە كىرىپ كەتپەس ءۇشىن بارلىق وتكەل مەن تەسىكتى بىتەۋ كەرەك. ىرگەتاستاعى، ەدەندەگى جىرىقتار، سونداي-اق قابىرعالارداعى تەسىكتەردى بىتەڭىز. سونداي-اق، ەسىكتەر مەن تەرەزەلەرگە ارنالعان تىعىزداعىشتار ورناتۋ كەرەك.

ۋ شاشۋ

تىشقاندارمەن كۇرەسۋدىڭ ەڭ ءتيىمدى ءادىسى - ۋ شاشۋ. انتيكواگۋليانتتار دەگەن زات بار، ونى ادەتتە تاماقپەن ارالاستىرىپ، تىشقاندارعا قارسى قولدانادى. الايدا ۋلى زاتتاردى قولدانعان كەزدە اباي بولۋ كەرەك، سەبەبى ونى ءۇي جانۋارلارى نەمەسە بالالار بايقاماي جەپ قويۋى مۇمكىن.

تىشقاندارعا ارنالعان قاقپاندار قولدانۋ

ەگەر قاقپان الۋدى شەشسەڭىز، ونىڭ ءارتۇرلىسىن جانە بىرنەشەۋىن قولدانعان دۇرىس. مىسالى، قاقپاندار، جەلىمدەر جانە ت. ب. سەبەبى كەي تىشقاندار قاقپاندى اينالىپ ءوتۋدى بىلەدى.

ۋلتراكۇلگىن ۇركىتكىش قوسۋ

تىشقانداردان ارنايى ۋلترادىبىستىق ۇركىتكىشتەر كومەگىمەن قۇتىلۋعا بولادى. ونى توققا قوسساڭىز، ول ادام ەستىمەيتىن ۋلترادىبىس شىعارادى.

حالىق ادىستەرىن بايقاپ كورۋ

تىشقانداردان ارىلۋعا كومەكتەسەتىن حالىقتىق ادىستەر دە بار. ول ءۇشىن شوپتەر، ەفير مايلارى جانە باسقا دا قولدا بار ونىمدەردى قولدانادى. تىشقانداردى مىنا مايلار مەن شوپتەردىڭ ءيىسى ۇركىتەدى: جالبىز، جۋسان، تۇيمەداق، تۇيمەشەتەن جانە ت. ب. ولاردى كىشكەنتاي قاپتارعا سالىپ، تىشقاندار كوپ جۇرەتىن جەرلەرگە، بۇرىشتارعا ءىلىپ قويىڭىز. سونداي-اق تىشقاندار پياز بەن لاۆر جاپىراعىنىڭ ءيىسىن جاقتىرمايدى. ەفير مايلارىنىڭ ءيىسى وتكىر كەلەدى. سوندىقتان ماتا بولىگىن ەفير ايىنا مالىپ، كيىم ساقتايتىن جەرگە قويۋعا بولادى.

تىشقانداردان بور قىشقىلىنىڭ دا كومەگىمەن ارىلۋعا بولادى. ول ۇنتاق تۇرىندە ساتىلادى. ونى تىشقاندار بولۋى مۇمكىن جەرلەرگە، تەسىكتەرگە سەبىڭىز.

ماماندار كومەگىنە جۇگىنۋ

ەگەر ءوز بەتىنشە تىشقانداردان تۇگەل ارىلا الماساڭىز، مامانداردى شاقىرتقان دۇرىس. ولار تىشقانداردان جىلدام ارىلۋعا كومەكتەسەدى. ادەتتە ولار ارنايى ۋلى پرەپاراتتاردى پايدالانادى. بۇل ءادىستىڭ كەمشىلىگى - الدىن الا ءۇيدى جاقىسىلاپ تازالاپ، قابىرعالاردى اشىق (جيھازداردى بولمەنىڭ ورتاسىنا قاراي ىسىرىپ قويۋ) قالدىرۋىڭىز كەرەك.