ەگەي تەڭىزىندە ۋلى كۇلگىن مەدۋزالار كوبەيىپ كەتكەن
استانا. KAZINFORM - گرەكيانىڭ بيوالۋانتۇرلىلىكتى باقىلاۋ وبسەرۆاتورياسى ەگەي تەڭىزىندە ۋلى كۇلگىن مەدۋزالار سانىنىڭ ايتارلىقتاي ارتقانىن حابارلادى، دەپ حابارلايدى انادولى.
Pelagia noctiluca مەدۋزاسى ەگريبوز (ەۆيا) ارالىنىڭ سولتۇستىك-باتىس بولىگىندە جانە ۆولوس قالاسىنىڭ وڭتۇستىگىندەگى پاگاسيتيكوس شىعاناعىندا بايقالدى.
بۇل مەدۋزانىڭ ەرەكشە كوپ شوعىرلانۋى ەگريبوز ارالىنىڭ سولتۇستىك جاعالاۋىندا بايقالعان جانە ولاردىڭ تارالۋى يسكيادوس جانە يسكەپەلوس ارالدارىنا جەتتى.
بۇل ايماقتاردا جۇزگىسى كەلەتىن ادامدارعا ساقتىق تانىتىپ، مەدۋزالاردان اۋلاق بولۋعا كەڭەس بەرىلدى.
Pelagia noctiluca كۇلگىن مەدۋزاسى جەرورتا تەڭىزىندەگى ەڭ قاۋىپتى تىرشىلىك يەلەرىنىڭ ءبىرى سانالادى. ولارمەن بايلانىس سالدارى تەرىنىڭ قىزارۋى، اۋىرسىنۋى جانە كۇيدىرۋىنە اكەلۋى مۇمكىن.
مامانداردىڭ ايتۋىنشا، مەدۋزا شاققان سەزىمتال ادامداردا جۇرەك اينۋى، قان قىسىمىنىڭ تومەندەۋى جانە تىنىس الۋدىڭ قيىنداۋى بەلگىلەرى بايقالادى.
بۇدان بۇرىن ەۋروپا تەڭىزدەرىندە مەدۋزالار سانى ارتىپ جاتقانى حابارلاندى.
