XXI عاسىر ايەلى وقۋى ءتيىس 3 كىتاپ
دەگەنمەن جەلىدەگى اقپارات اعىنى مول بولا تۇرا، كىتاپتىڭ دا داۋرەنى ەشقاشان بىتپەيدى. كىتاپ وقىعان جان قاي جاعىنان الساڭىز دا وزگەلەردەن بيىك، ۇستەم تۇرادى. پسيحولوگيا سالاسى وتە وزەكتى تاقىرىپقا اينالىپ، بار ادامزات ماسەلەسىن شەشۋ ءۇشىن ءوز ىشىنە ۇڭىلە باستادى.
شاماسى جەتكەن جان ارنايى پسيحوتەراپيەۆت ماماندارعا جۇگىنەدى. ال ونداي مۇمكىندىك بولماسا، سول ءبىلىمدى كىتاپتان دا الۋعا بولادى.
دينارا بولات «ومىرگە شەكسىز عاشىق»
كىتاپتى ءبىر پاراقتاپ شىققاندا ساياحات تۋرالى نەمەسە جەڭىل-جەلپى تاقىرىپتى قامتىعان كوپ كىتاپتىڭ ءبىرى دەپ ويلاۋىڭىز مۇمكىن. الايدا دەن قويىپ وقي باستاعاندا كوپ سىناقتى باستان وتكىزگەن، ومىردەگى بار جەتىستىككە ءوز كۇشىمەن جەتكەن قاراپايىم اۋىلدان شىققان قىزدىڭ وقيعاسىنا كۋا بولاسىز. جوق كەزدە جاسىماي، بار كەزدە تاسىماي، بولىپ جاتقان جاعدايلارعا سانالى تۇردە قاراپ، ادەكۆات شەشىم قابىلداعان اياۋلى جار، اسىل انانىڭ ءار ويى جۇرەك تۇكپىرىنەن ورىن تابادى.
دجون كەحو «تۇيسىگىڭمەن ويلا»
ومىردەگى بارلىق جاعداي 10 پايىز ساناعا، 90 پايىز بەيساناعا بايلانىستى ەكەن. «ادام ءبىر بوق كوتەرگەن بوقتىڭ قابى» دەپ اباي ايتقانداي، ءىشىمىزدى تازارتىپ، جاقسى ءومىر سۇرۋگە كەدەرگى كەلتىرەتىن ويدان ارىلساق، ءبارى ءبىز ويلاعانداي بولادى. وسى بەيسانامەن جۇمىس ىستەۋ ءۇشىن، الەمدىك بەستسەللەر «تۇيسىگىڭمەن ويلا» كىتابى كومەكتەسەدى. قازاق تىلىنە اۋدارعان قازاقتىڭ شەبەر اۋدارماشىسى - مىرزاگەلدى كەمەل.
لاريسا رەنار «كۇيەۋىڭدى ميلليونەر قىل»
اتاۋىنا قاراساڭىز، تەك اقشا، بايلىق تۋرالى كىتاپ ءتارىزدى ەلەستەۋى مۇمكىن. الايدا مۇندا ايەل ادام جولداسىنىڭ قارجىلىق جاعدايىنا قالاي اسەر ەتە الاتىنىمەن قاتار ءوزىڭدى ىزدەۋ، قازىرگى تىلمەن ايتساق، نيشاڭدى تابۋ، سۇيىكتى ءىسىڭدى انىقتاۋ تاقىرىبى دا ءسوز بولادى.
ءتورت قىزدىڭ اڭگىمەسى رەتىندە جازىلعان كىتاپ ءبىراز ادامعا وي سالىپ، كوزقاراسىن وزگەرتەرى انىق.
massaget.kz
