وزبەكستاننىڭ التىن ۆاليۋتا رەزەرۆتەرى رەكوردتىق دەڭگەيگە ءوستى

تاشكەنت. KAZINFORM - بيىل قاڭتاردا وزبەكستاننىڭ حالىقارالىق رەزەرۆتەرى مەن التىن ۆاليۋتا قورى ءوسىپ، رەكوردتىق كورسەتكىشكە جەتتى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

1-اقپانداعى مالىمەتكە ساي، وزبەكستان ورتالىق بانكىنىڭ رەزەرۆىندەگى اكتيۆتەردىڭ جالپى قۇنى 42,9 ميلليارد دوللارعا جەتتى. بۇل 2024 -جىلدىڭ جەلتوقسان ايىنداعى كورسەتكىشپەن سالىستىرعاندا 1,72 ميلليون دوللارعا (%4,17) كوپ.

ورتالىق بانك قويمالارىندا ساقتاۋلى تۇرعان التىننىڭ باعاسى 3,02 ميلليارد دوللارعا كوتەرىلىپ، 35,06 ميلليارد دوللارعا تەڭەلدى. بۇل 2013 -جىلدان بەرى تىركەلگەن ەڭ جوعارى كورسەتكىش سانالادى.

سونىمەن قاتار، ەلدەگى التىننىڭ كولەمى 12,3 ميلليوننان (382,57 توننا) 12,6 ميلليون ۋنسياعا (391,9 توننا) دەيىن ۇلعايدى.

ساراپشىلاردىڭ پايىمىنشا، وسىمگە الەمدىك نارىقتاعى قىمبات مەتال باعاسىنىڭ كوتەرىلۋى ىقپال ەتتى.

ەسكە سالايىق، 2023 -جىلدىڭ 11 ايىندا وزبەكستان 8,15 ميلليارد دوللارعا باعالانعان التىندى ەكسپورتتاعان. بۇل 2022 -جىلمەن سالىستىرعاندا 2,3 ەسە كوپ جانە ءوز كەزەگىندە رەكوردتىق كورسەتكىش سانالادى.

سونىمەن قاتار، 2023 -جىلى قازان جانە قاراشا ايلارىندا وزبەكستان التىندى كوپ ساتقان ەلدەردىڭ كوشىن باستاعان بولاتىن.

اۆتور

ءاليحان اسقار