وزبەكستاندىق قازاق بوكسشىسى ازيا ويىندارىندا كۇتپەگەن جەڭىلىسكە ۇشىرادى
حاڭجوۋدا (قىتاي) ءوتىپ جاتقان جازعى ازيا ويىندارىندا قازاقستاندىق بوكسشى ەرتۋعان زەينۋللينوۆتىڭ 1/4 فينالداعى قارسىلاسى انىقتالدى، - دەپ حابارلايدى Vesti.kz.

63,5 كەلىگە دەيىنگى سالماقتا ونەر كورسەتەتىن زەينۋللينوۆ 1/8 فينالدا وزبەكستاندىق ەتنيكالىق قازاق رۋسلان ابدۋللايەۆتى سەنساتسيالىق تۇردە 5:0 ەسەبىمەن جەڭگەن موڭعول چينزوريك بااتارسۋحپەن كەزدەسەدى.
ايتا كەتەيىك، بااتارسۋح پەن ابۋللايەۆ 2023-جىلى تاشكەنتتە وتكەن الەم چەمپيوناتىنىڭ فينالىندا كەزدەسكەن. ول كەزدە وزبەكستان بوكسشىسى ايقىن باسىمدىقپەن جەڭىسكە جەتتى.
ەسكە سالايىق، زەينۋللينوۆ 1/8 فينالدا 2023-جىلعى الەم چەمپيوناتىنىڭ قولا جۇلدەگەرى تاجىكستاندىق باحودۋر ۋسمونوۆپەن كەزدەسكەن بولاتىن. جەكپە-جەكتە قازاقستاندىق 3:2 ەسەبىمەن جەڭىسكە جەتتى. بۇل جەكپە-جەكتە ەكى بوكسشى دا نوكداۋنعا ءتۇستى.