وزبەكستان ورتالىق ازيادا جەڭىل ونەركاسىپتەن كوش باستاپ تۇر

استانا. KAZINFORM - الەمدە جەڭىل ونەركاسىپ سالاسىندا قىتاي كوش باستاپ تۇر. كورشىمىز توقىما، كيىم، اياق كيىم ءوندىرىسى بويىنشا الدىڭعى ورىندا. الەمدىك ماقتا ءوندىرىسىنىڭ %40 - ى، ءجىپتىڭ 64، ماتانىڭ 41 جانە كيىم ءوندىرىسىنىڭ %50- ى قىتايدىڭ ۇلەسىندە.

ال ءۇندىستان الەمدەگى ەكىنشى ءىرى توقىما ءوندىرۋشى ەل. مۇندا كيىم مەن اياق كيىم ءوندىرىسى وركەن جايعان. سالادا 45 ميلليون ادام جۇمىس ىستەيدى. بانگلادەش ەڭ ءىرى كيىم ءوندىرۋشى رەتىندە تانىمال بولسا، ۆەتنام تىگىن سەكتورىندا سۇرانىسقا يە. ۇزدىك بەستىكتى توقىما، كيىم، تريكوتاج جانە اياق كيىمنىڭ ءىرى ءوندىرۋشىسى رەتىندە تۇركيا تولىقتىرىپ تۇر.

ەۋروپادا دا جەڭىل ونەركاسىپ قارقىن العان. يتاليا ديزاينەرلىك كيىم، اياق كيىم، اكسەسسۋار وندىرىسىندە كوشباسشى. پورتۋگاليا، فرانسيا، يسپانيا توقىما، كيىم جانە اياق كيىم وندىرەدى. ال گەرمانيادا توقىما جانە تەحنيكالىق توقىما ءوندىرىسى جاقسى دامىعان. سوڭعى ونجىلدىقتا جەڭىل ونەركاسىپ دامىعان ەلدەردەن دامۋشى ەلدەرگە اۋىستى، ويتكەنى مۇندا ەڭبەك شىعىنى تومەن ءارى جۇمىس كۇشى ارزان دەيدى ساراپشىلار.

جەڭىل ونەركاسىپ دامىعان ەلدەر

ازيا: قىتاي، ءۇندىستان، بانگلادەش، ۆەتنام، تۇركيا

ەۋروپا: يتاليا، پورتۋگاليا، فرانسيا، يسپانيا، گەرمانيا

افريكا: ەفيوپيا، ماروككو، تۋنيس

كورشىمىز وزبەكستان جەڭىل ونەركاسىپ بويىنشا ورتالىق ازيا ايماعىندا كوش باستاپ تۇر. مۇندا وندىرىلەتىن ءونىمنىڭ %63- ءى وزگە ەلدەرگە ەكسپورتتالادى. رەسەيدىڭ نەگىزگى تاۋار جەتكىزۋشىلەرىنىڭ ءىرى بەستىگىنە كىرگەن. ءبىزدىڭ ەلىمىزبەن دە توقىما جانە كيىم وندىرىسىندە تىعىز بايلانىس ورناتقان. قىرعىزستاننىڭ دا جەڭىل ونەركاسىبى جىلدام دامىپ كەلەدى. ج ءى ءو- ءنىڭ %7,1- ىن تىگىن فابريكالارى قۇرايدى. 150 مىڭ ادام جۇمىسپەن قامتىلعان. ايىر قالپاقتى اعايىن رەسەي نارىعىندا سۇرانىسقا يە. ولار ءۇشىن قىرعىز ونىمدەرىنىڭ قۇنى قىتايمەن سالىستىرعاندا %20-50 تومەن.

24.kz