وزبەكستان پرەزيدەنتى قاسىم-جومارت توقايەۆتى تۋعان كۇنىمەن قۇتتىقتادى
استانا. KAZINFORM - وزبەكستان رەسپۋبليكاسىنىڭ پرەزيدەنتى شاۆكات ميرزيەيەۆ قازاقستان رەسپۋبليكاسىنىڭ پرەزيدەنتى قاسىم- جومارت توقايەۆپەن تەلەفون ارقىلى سويلەستى، دەپ جازادى وزبەكستاننىڭ Uza اگەنتتىگى.
مەملەكەت باسشىسى قازاقستان پرەزيدەنتىن تۋعان كۇنىمەن قۇتتىقتاپ، وعان زور دەنساۋلىق، باقىت پەن تابىس، ال باۋىرلاس قازاق حالقىنا بەيبىتشىلىك پەن گۇلدەنۋ تىلەدى.
قاسىم-جومارت توقايەۆتىڭ وزبەكستان مەن قازاقستان اراسىنداعى دوستىق پەن تاتۋ كورشىلىك قارىم-قاتىناستى نىعايتۋعا قوسقان ۇلكەن جەكە ۇلەسى ەرەكشە اتاپ ءوتىلدى.
ەكى ەل باسشىلارى وزبەكستان-قازاقستان كوپجاقتى ىنتىماقتاستىعىن ودان ءارى كەڭەيتۋگە قاتىستى وزەكتى ماسەلەلەردى تالقىلادى. حيۋا قالاسىندا وتكەن پراكتيكالىق كەڭەستە ۋاعدالاستىقتاردىڭ ورىندالۋ بارىسى جانە الداعى ۋاقىتتا جوعارى دەڭگەيدە وتەتىن ءىس-شارالار جوسپارى تالقىلاندى.
ساۋدا- ەكونوميكالىق ىنتىماقتاستىق جوبالارىنىڭ جاڭا پورتفەلىن قالىپتاستىرۋعا، بيزنەس پەن وڭىرلەردى تارتا وتىرىپ، ونەركاسىپ، كولىك- لوگيستيكا، ەنەرگەتيكا، اۋىل شارۋاشىلىعى سالالارىنداعى ىنتىماقتاستىقتى ىلگەرىلەتۋگە ەرەكشە نازار اۋدارىلدى. بەلسەندى مادەني-گۋمانيتارلىق الماسۋدى جالعاستىرۋدىڭ ماڭىزدىلىعى ءسوز بولدى.
