وزبەكستان مەن تۇركيا اراسىنداعى تەمىرجول ءدالىزى قالاي داميدى
ىستانبۇلدا «وزبەكستان - تۇرىكمەنستان - يران - تۇركيا» مۋلتيمودالدى كولىك دالىزىنە قاتىسۋشى ەلدەردىڭ تەمىر جول اكىمشىلىكتەرىنىڭ ءبىرىنشى وتىرىسى ءوتىپ، وندا وسى كولىك باعىتىن دامىتۋعا قاتىستى ماڭىزدى ماسەلەلەر تالقىلاندى.
Kazinform بۇل تۋرالى وزبەكستان تەمىر جولدارىنا سىلتەمە جاساپ حابارلايدى.
وتىرىستىڭ نەگىزگى تاقىرىبى - تەمىرجولعا باسەكەگە قابىلەتتى تاريف ەنگىزۋ جانە باعىت بويىنشا قوزعالىس كولەمىن ارتتىرۋ بولدى.
تاراپتار وسى باعىت بويىنشا قولجەتىمدى جانە باسەكەگە قابىلەتتى باعا بەلگىلەۋ جۇك تاسىمالداۋ كولەمىن ارتتىرۋعا ىقپال ەتەدى دەگەن قورىتىندىعا كەلدى.
كەزدەسۋ بارىسىندا قاتىسۋشى ەلدەردىڭ تەمىر جول اكىمشىلىكتەرى اراسىندا ءتيىستى حاتتاماعا قول قويىلدى.
بۇل قۇجات كولىك ءدالىزىن دامىتۋداعى ماڭىزدى قادام بولدى، ويتكەنى ول بۇكىل تاراپتاردىڭ ىنتىماقتاستىق تۋرالى كەلىسىمىن جانە وسى جوبانى ءساتتى جۇزەگە اسىرۋ ءۇشىن بىرلەسكەن كۇش- جىگەرىن بىرىكتىرەدى.
بۇل مۋلتيمودالدى كولىك باعىتىن دامىتۋ وزبەكستان، تۇرىكمەنستان، يران جانە تۇركيا اراسىنداعى ەكونوميكالىق بايلانىستى نىعايتۋعا جانە ساۋدا الەۋەتىن كەڭەيتۋگە ىقپال ەتەدى.
سونىمەن قاتار ايماقتاعى كولىكتىڭ قولجەتىمدىلىگى مەن تيىمدىلىگىن ارتتىرىپ، ەكونوميكالىق دامۋعا جانە ەلدەر اراسىنداعى ىنتىماقتاستىقتى نىعايتۋعا سەپتىگىن تيگىزەدى.
