وزبەكستان حالقىنىڭ ۇشتەن بىرىندە اقشا جيناعى جوق
استانا. Kazinform - وزبەكستاندا حالىقتىڭ %34 ى اقشا جيناماعان. بۇل تۋرالى ورتالىق بانك جۇرگىزگەن كاسسالىق وپەراتسيالاردى ۇيىمداستىرۋ جانە قولما-قول اقشامەن ەسەپ ايىرىسۋدىڭ جاي-كۇيى تۋرالى ساۋالناما ناتيجەلەرى تۋرالى ەسەپتە ايتىلادى.
بيىلعى جىلدىڭ ماۋسىم ايىندا وزبەكستان حالقى اراسىندا كاسسالىق وپەراتسيالاردى ۇيىمداستىرۋ جانە قولما-قول اقشامەن ەسەپ ايىرىسۋ ماسەلەلەرى بويىنشا ەلەكتروندى ساۋالناما جۇرگىزىلىپ، وعان 14259 رەسپوندەنت قاتىسقانى اتاپ ءوتىلدى.
ساۋالناما ناتيجەسىنە سايكەس، تۇرعىنداردىڭ 15 ى كۇندەلىكتى تولەمدى نەگىزىنەن قولما-قول اقشامەن، %33 ى بانك كارتاسىمەن، %52 ى ەكى تولەمدى دە جۇزەگە اسىرادى.
تاۋارلاردى (قىزمەتتەردى) قولما-قول اقشامەن ساتىپ الۋ سەبەبىنە قاتىستى ساۋالناماعا قاتىسۋشىلاردىڭ %56 ى ساۋدانى نەگىزىنەن بازارلاردان جاسايتىنىن، %17 ى تەز، ءقاۋىپسىز جانە باقىلاۋعا وڭاي ەكەنىن، %13 ى تاۋاردىڭ (قىزمەتتەردىڭ) قولما-قول اقشامەن ارزان بولاتىنىن، %7 ى تولەم ءۇشىن قولما-قول اقشا قاجەت ەكەنىن، تاعى %7 ى تولەم تەرمينالى جۇمىس ىستەمەيتىنىن ايتتى.
تولەمگە قولما-قول اقشانى تالاپ ەتۋدىڭ ەڭ جوعارى كورسەتكىشى ءاندىجان، قاشقاداريا، سامارقاند، سىرداريا جانە تاشكەنت وبلىستارىندا تىركەلسە، تولەم تەرمينالدارىنىڭ بولماۋى نەمەسە جۇمىس ىستەمەۋى تاشكەنت قالاسىندا ءجيى بولاتىنى اتاپ ءوتىلدى.
رەسپوندەنتتەردىڭ %87 ى جالاقىسىن بانك كارتاسىمەن، %7 ى قولما-قول اقشامەن جانە بانك كارتاسىمەن، %6 ى قولما-قول اقشامەن الاتىنىن اتاپ ءوتتى. تۇرعىنداردىڭ %62 ى بانكوماتتارعا شاعىمدارى جوقتىعىن، %18 ى ۇزىلىستەردىڭ سيرەك جاعدايلاردا بايقالاتىنىن، ءبىراق قارسىلىق بىلدىرمەيتىنىن، ال قالعان %20 ى قولما-قول اقشانىڭ تەز بىتەتىنىن، تەرمينالداردىڭ ءجيى ىستەن شىعاتىنىن جانە قاجەتتى نومينالداعى بانكنوتتاردىڭ جوقتىعىن ايتتى.
تۇرعىندار جيناقتارىنىڭ 23 پايىزىن قولما-قول اقشادا، سول سومانى بانك كارتالارىندا، 20 پايىزىن بانكتەردەگى جيناق شوتتارىندا ساقتايتىنىن ايتسا، 34 پايىزى جيناقتارى جوق ەكەنىن ايتتى.
ساۋالناماعا قاتىسقانداردىڭ %52 ى مەملەكەتتىك قىزمەتشىلەر، %19 ى جەكە سەكتور وكىلدەرى، %17 ى بيۋدجەتتىك ۇيىمداردىڭ قىزمەتكەرلەرى بولدى.
ەسكە سالا كەتەيىك، وزبەكستاندا گاز ءوندىرىسى 3,1 پايىزعا تومەندەدى.
اۆتور
بەگابات ۇزاقوۆ
