پويىزدار كەشىگۋىن قويا ما - جاڭا ءمينيستردىڭ ۋادەسى

استانا. KAZINFORM - كولىك ءمينيسترى نۇرلان ساۋرانبايەۆ ۇكىمەت ۇيىندەگى باسپا ءسوز ءماسليحاتىندا كەشىگىپ كەلەتىن پويىزدارمەن كۇرەسۋگە ۋادە بەردى.

- ءسىز بۇعان دەيىن «قازاقستان تەمىر جولى» كومپانياسىن باسقارىپ تۇرعان كەزدە دە پويىزداردىڭ كەشىگۋى تىيىلعان جوق. ەندى كولىك ءمينيسترى رەتىندە پويىزداردىڭ كەشىگۋىن توقتاتامىن دەپ ۋادە بەرە الاسىز با، - دەپ سۇرادى جۋرناليست.

نۇرلان ساۋرانبايەۆ ۋادە بەرگەنىمەن، ورىندالۋ ۇزاققا سوزىلاتىنىن ەسكەرتتى.

- وسى ماسەلەمەن اينالىسۋعا ۋادە بەرەمىن. ءبىراق ونىڭ شەشىمى وتە ۇزاققا كەتەدى. ول ينفراقۇرىلىم مەن ينۆەستيتسياعا بايلانىستى. ويتكەنى جەكە مەنشىك كومپانيالارعا جاڭا ۆاگون الۋ ءۇشىن ۇلكەن قاراجات كەرەك. ولار دا وسى ماسەلەنى شەشۋ كەرەك، - دەدى مينيستر.

ەسكە سالساق، وسىدان تۋرا ءبىر اي بۇرىن نۇرلان ساۋرانبايەۆ كولىك ءمينيسترى بولىپ تاعايىندالعان.