پويىز بەن ۇشاق بيلەتىنىڭ باعاسى وزگەرەدى

استانا. KAZINFORM - پرەمەر-ءمينيستردىڭ ءبىرىنشى ورىنباسارى رومان سكليار ۇكىمەت ۇيىندەگى باسپا ءسوز ءماسليحاتىندا پويىز بەن ۇشاق بيلەتى قىمباتتايتىنىن ايتتى.

- بۇل ءوسىم ەلەۋلى بولمايدى. ويتكەنى قوسىلعان قۇن سالىعىنىڭ ءبىر بولىگى ەسەپكە الىنادى. سوندىقتان ءبىز مۇندا كۇرت وسەتىنىن كورىپ وتىرعان جوقپىز. ال ناقتى كولىك قىزمەتتەرى تاريفىنە كەلسەك، مەنىڭ ويىمشا، ءسىز قازىر باعانى ءتۇسىرىپ جاتقان ءبىر دە ءبىر ەلدى ايتا المايسىز، - دەدى رومان سكليار.

ايتۋىنشا، بۇل جولعى قىباتتاۋ كولىك ساتىپ الۋ قۇنىنىڭ وسۋىمەن دە بايلانىستى.

- اۆياتسياعا كەلسەك، سول Airbus A320 ۇشاعىنىڭ قۇنى 10 جىل بۇرىن 50 ميلليون دوللار بولسا، قازىر 70 ميلليون دوللاردان اساتىنىن ءتۇسىنۋ كەرەك. قوسالقى بولشەكتەردىڭ قۇنى قىمباتتادى، اۋە كەروسينى قىمباتتادى. بۇل تەمىرجول مەن اۆتوموبيل كولىگىنە دە قاتىستى، - دەپ ءتۇسىندىردى ۆيتسە-پرەمەر.