وڭتۇستىككورەيالىق كومپانيا وكىلدەرىمەن ا ە س قۇرىلىسى بويىنشا كەزدەسۋ ءوتتى

استانا. KAZINFORM - بۇگىن قازاقستاندا ا ە س سالۋ بويىنشا ىقتيمال يادرولىق تەحنولوگيالار جەتكىزۋشىلەرىمەن جۇرگىزىلىپ جاتقان باسەكەلەستىك ديالوگ اياسىندا وڭتۇستىك كورەيانىڭ KHNP (Korea Hydro Nuclear Power) كومپانياسىمەن كەزدەسۋ ءوتتى.

ق ر اتوم ەنەرگياسى جونىندەگى اگەنتتىگى باسپا ءسوز قىزمەتىنىڭ حابارلاۋىنشا، تاراپتار اتوم ەنەرگەتيكاسى سالاسىنداعى ىنتىماقتاستىقتىڭ پەرسپەكتيۆالارىن، كادر دايارلاۋ، جەرگىلىكتى ءوندىرىستى دامىتۋ جانە بىرلەسكەن جوبالاردى ىسكە اسىرۋ ماسەلەلەرىن تالقىلادى.

قازاقستان رەسپۋبليكاسىنىڭ اتوم ەنەرگياسى جونىندەگى اگەنتتىگىنىڭ ءتوراعاسى الماسادام ساتقاليەۆ KHNP كومپانياسىنىڭ زاماناۋي رەاكتورلاردى جوبالاۋ، سالۋ جانە پايدالانۋ تاجىريبەسىن اتاپ ءوتىپ، حالىقارالىق سەرىكتەستەرمەن اشىق ءارى ءادىل باسەكەگە نەگىزدەلگەن ديالوگ جۇرگىزۋدىڭ ماڭىزدىلىعىن ەرەكشە اتاپ ءوتتى.

KHNP كومپانياسىنىڭ باس ديرەكتورى چۋحو ۋانگ قازاقستانداعى جوبالاردى جۇزەگە اسىرۋ ءۇشىن وڭتۇستىك كورەيانىڭ تاجىريبەسىن ۇسىنۋعا دايىن ەكەنىن مالىمدەپ، ەكىجاقتى ىنتىماقتاستىقتى كەڭەيتۋگە قىزىعۋشىلىق ءبىلدىردى.

اتالمىش كەزدەسۋ قازاقستاندا ا ە س سالۋ جوباسى بويىنشا ىقتيمال يادرولىق تەحنولوگيالار جەتكىزۋشىلەرىمەن جۇرگىزىلگەن كەلىسسوزدەردىڭ قورىتىندى كەزەڭى بولدى.

وسىعان دەيىن قازاقستاندا العاشقى ا ە س سالاتىن ءوڭىر بەلگىلى بولعانىن جازدىق.