وڭتۇستىك كورەيادا العاش رەت دومبىرا كۋرسى اشىلدى
وڭتۇستىك كورەيانىڭ تانىمال وقۋ ورنىندا العاش رەت دومبىرا ۇيرەتەتىن قوسىمشا كۋرس اشىلدى، دەپ حابارلايدى 24KZ. قازاقتىڭ ۇلتتىق اسپابىمەن حانگۋك شەت تىلدەر ۋنيۆەرسيتەتىنىڭ ستۋدەنتتەرى تانىسىپ جاتىر.
ونى اشۋ يدەياسىن وسى جوعارى وقۋ ورنىنىڭ وقىتۋشىسى، قازاقستاننىڭ سەۋلدەگى بۇرىنعى ەلشىسى دۋلات باكىشيەۆ ۇسىنعان. ساباقتار قالاي وتەدى جانە قانداي اندەر ۇيرەتىلەدى؟ دومبىرا فاكۋلتاتيۆىندە ستۋدەنتتەر اسپاپتا ويناۋدى عانا ۇيرەنبەيدى. شەتەلدىك ستۋدەنتتەر اپتاسىنا ەكى ساعات قازاقستاننىڭ تاريحى جانە مادەنيەتىمەن تانىسادى. سونىمەن قاتار اكادەميالىق ۇتقىرلىق باعدارلاماسى اياسىندا كورەياعا كەلگەن قازاق ۇلتتىق ۋنيۆەرسيتەتى ستۋدەنتتەرىمەن تىلدىك تاجىريبەدەن وتەدى.
اقساۋلە شامسۋتدين، ءال- فارابي اتىنداعى قازاق ۇلتتىق ۋنيۆەرسيتەتىنىڭ ستۋدەنتى:
- قازاق ءتىلى مەن كورەي ءتىلىنىڭ گرامماتيكاسى وتە ۇقساس جانە دە كوبىنەسە بىزدە الفاۆيت جاعىنان قينالادى. ال بىلاي سويلەمدى اۋدارعان كەزدە نەمەسە وزدەرىنىڭ ويلارىن جەتكىزگەن كەزدە قازاق تىلىندە سويلەم قۇراۋ وتە وڭاي. قازىر حانگۋك ۋنيۆەرسيتەتىندە قازاق ءتىلىن شامامەن 40 ستۋدەنت وقيدى. 8 ءى دومبىرا كۋرسىنا قاتىسادى.
ولاردىڭ ۇيرەنە باستاعان العاشقى ءانى - «ەركەم- اي».
كيم ەن چجۋ، حانگۋك شەت تىلدەر ۋنيۆەرسيتەتىنىڭ ستۋدەنتى:
- ماعان دومبىرا ۇنايدى. دومبىرا ادەمى جانە قىزىق.
يم دجە ۆون، حانگۋك شەت تىلدەر ۋنيۆەرسيتەتىنىڭ ستۋدەنتى:
- سالەم! مەنىڭ كورەي اتىم دجە ۆون. مەن 21 دەمىن. مەن پۋساندا تۇرامىن.
دومبىرا فاكۋلتاتيۆىن اشۋدى حانگۋك ۋنيۆەرسيتەتىنىڭ باسشىلىعىنا وسى وقۋ ورنىنىڭ وقىتۋشىسى، ديپلوماتيا سالاسىندا 22 جىل قىزمەت ەتكەن دۋلات باكىشيەۆ ۇسىنعان. ۋنيۆەرسيتەت باسشىلىعى ونىڭ باستاماسىن بىردەن قولدادى. تاجىريبەلى ديپلومات ءوزى 80-جىلدارى تۋعان جەرى ورال قالاسىنداعى نۇرپەيىسوۆا اتىنداعى مۋزىكالىق مەكتەپتى بىتىرگەن.
دۋلات باكىشيەۆ، حانگۋك شەت تىلدەر ۋنيۆەرسيتەتىنىڭ پروفەسسورى:
- بۇعان دا ءبىزدىڭ ۋنيۆەرسيتەت باسشىلىعى كوڭىل ءبولىپ، قازاق ءتىلىن، وزبەك ءتىلىن، موڭعول ءتىلىن ەۋرازياداعى ستراتەگيالىق تىلدەر دەپ بەلگىلەپ، بۇل باعدارلاماعا ازداعان قاراجات ءبولىپ، ءبىزدىڭ مادەنيەتىمىزدى كوتەرىپ، سىيلاپ، ءبىزدىڭ ستۋدەنتتەرگە وسىنداي مۇمكىندىك جاساپ وتىر.
قازىر ۇيىرمەدە 5 دومبىرا بار. ونىڭ ۇشەۋى - «وتانداستار» قورىنىڭ سىيى. پروفەسسور باكىشيەۆ حالقىمىزدىڭ كيەلى اسپابىندا ويناعىسى كەلەتىن كورەيلەر سانى ارتا تۇسەتىنىنە سەنىمدى. ونىڭ ارمانى - ستۋدەنتتەرگە كۇيلەر ۇيرەتىپ، ۋنيۆەرسيتەت جانىنان قازاق ۇلتتىق اسپاپتار وركەسترىن قۇرۋ.
24.kz
