وڭتۇستىك كورەيا TikTok-قا قاتىستى تەرگەۋدى باستاماقشى
استانا. قازاقپارات - TikTok الەۋمەتتىك جەلىسىنە قاتىستى جەكە دەرەكتەردى قورعاۋ تۋرالى ۇلتتىق زاڭنامانى بۇزدى دەگەن كۇدىككە ءىلىنىپ، وڭتۇستىك كورەيا رەتتەۋشىسى وعان قاتىستى اۋديت جۇرگىزۋدى جوسپارلاپ وتىر، دەپ حابارلايدى Yonhap اقپارات اگەنتتىگى.
دەرەككوزدەردىڭ حابارلاۋىنشا، TikTok ءوز پايدالانۋشىلارىنا كورەيا زاڭناماسىنا سايكەس مۇنداي مازمۇندى الۋعا كەلىسىم بەرۋدىڭ ورنىنا اۆتوماتتى تۇردە جارنامالار الۋدى تالاپ ەتتى دەپ ايىپتالعان.
وڭتۇستىك كورەيانىڭ بايلانىس كوميسسيا رەسمي وكىلىنىڭ حابارلاۋىنشا، TikTok دەرەكتەردى قورعاۋ تۋرالى زاڭداردى بۇزدى دەگەن كۇدىككە ءىلىندى، جاقىن ارادا پلاتفورماعا قاتىستى تەرگەۋ امالدارىن باستالادى.
قىتايلىق ByteDance كومپانياسىنا تيەسىلى TikTok پلاتفورماسى سونداي-اق پلاتفورمادا تىركەلۋ كەزىندە پايدالانۋشىلارعا تولىق پايدالانۋ شارتتارى مەن قۇپيالىلىق ساياساتىن ۇسىنبايدى دەپ ايىپ تاعىلىپ وتىر.
وڭتۇستىك كورەيانىڭ قولدانىستاعى زاڭناماسىنا سايكەس پلاتفورمالار پايدالانۋشىلارعا ماركەتينگتىك نەمەسە جارنامالىق مازمۇندى الۋ-الماۋىن شەشۋگە ەركىندىك بەرۋى جانە مۇنداي مازمۇندى جىبەرۋ ءۇشىن ولاردان الدىن الا «ناقتى» كەلىسىمىن الۋى قاجەت.
بۇل زاڭدى بۇزعاندارعا 30 ميلليون ۆونعا (22279 دوللار) دەيىن ايىپپۇل سالىنۋى مۇمكىن.
بۇعان دەيىن ۇشۋ كەزىندە ۇشاقتىڭ ەسىگىن اشقان وڭتۇستىك كورەيا تۇرعىنىنا 547000 ا ق ش دوللارى (ق ر ۇلتتىق بانكىنىڭ باعامى بويىنشا 262860850 تەڭگە) كولەمىندە وتەماقى تولەۋگە مىندەتتەلگەن بولاتىن.
اقپاراتتى كاzinform اگەنتتىگى ءۇشىن Yonhap سەرىكتەس اگەنتتىگى ارنايى ۇسىنعان.
