وتكەن جىلى ەلىمىزدە قوس ازاماتتىعى بار 700-گە جۋىق ادام انىقتالعان

استانا. Kazinform - وتكەن جىلى ەلىمىزدە قوس ازاماتتىعى بار 700-گە جۋىق ادام انىقتالدى. بۇل تۋرالى ق ر ىشكى ىستەر مينيسترلىگى Kazinform اگەنتتىگىنىڭ رەسمي ساۋالىنا جولداعان جاۋاپتا ايتىلعان.

- 2025 -جىلدىڭ قاڭتار ايىندا قازاقستان رەسپۋبليكاسى ازاماتتىعى تۋرالى زاڭنامانى بۇزعانى ءۇشىن اكىمشىلىك جاۋاپكەرشىلىككە قازاقستان رەسپۋبليكاسىنىڭ بۇرىنعى 66 ازاماتى تارتىلدى. باسىم كوپشىلىگى رەسەي فەدەراتسياسىنىڭ (64) ازاماتتىعىن قابىلداعاندار. سونداي- اق گەرمانيا (1) جانە قىرعىزستان (1) ازاماتتىعىن العان ەكى تۇلعا بار. ونىڭ 35- ءى ايىپپۇل تولەسە، 31 ادام ەلدەن شىعارىلدى، - دەلىنگەن حابارلامادا.

سونداي- اق ۆەدومستۆو وتكەن جىلى قوس ازاماتتىعى بار 700-گە جۋىق ادام انىقتالعانىن مالىمدەدى.

- 2024 -جىلى قازاقستان رەسپۋبليكاسى ازاماتتىعى تۋرالى زاڭنامانى بۇزعانى ءۇشىن اكىمشىلىك جاۋاپكەرشىلىككە قازاقستان رەسپۋبليكاسىنىڭ بۇرىنعى 675 ازاماتى تارتىلدى. باسىم كوپشىلىگى رەسەي فەدەراتسياسىنىڭ (565)، تۇركيا (26)، گەرمانيا (11) جانە ا ق ش (22) ازاماتتىعىن قابىلداعاندار. ونىڭ 526-سى ايىپپۇل تولەسە، 149 ادام ەلدەن تىس شىعارىلدى، - دەلىنگەن جاۋاپتا.

بىلتىر قازاقستان ازاماتتىعىن الۋشىلار سانى 25 پايىز ازايعانى بەلگىلى بولدى.

سونداي-اق وتكەن جىلى قانشا ادام ەل ازاماتتىعىنان باس تارتقانى جايلى جازعان ەدىك.

اۆتور

ەربول جانات